كما عودناكم أعزائي القُراء في "جريدة موج الإخبارية" بشخصياتٍ أبدعت في مجالها، واليوم شخصيتنا إرتبط إسمها بالنجاح، والإنجازات؛ وسوف نقوم بالتعرف عليها.
☆☆☆☆☆☆☆☆☆☆☆☆☆☆☆☆☆☆☆☆☆☆
ونبدأ الحوار، ونتمنى لكم قراءة مُثمرة.
☆☆☆☆☆☆☆☆☆☆☆☆☆☆☆☆☆☆☆☆☆☆
《الاسم》 :- ملك مجدي محمد
《السن》 :- ١٦ سنة
《المحافظة》 :- القاهرة
《لقبك》 :- صاحبه الليل
《س/ متي، وكيف كانت بدايتك في مجال الكتابة؟ 》.
في الأول كنت بكتب على قدي وأول ما عرفت إني متعلقه بالشعر والكتابة جدا عملت جروب وكدا زي أي كاتب يعني بعدين طبعا أتعرض عليا أول كتاب ليا الحمد لله
《س/ مَن قدم لكي الدعم في بداية مشوارك؟ 》.
طبعا أخواتي وأمي رحمها الله وكنت اتمنى انها تكون عايشة دلوقت كانت هتفرحلي أكتر كمان
《س/ جميعنا نواجه مصاعب، وإنتقادات في بداية شغلنا، ما المصاعب والانتقادات التى واجهتك؟ 》.
بصي من ناس كتير جدا الإنتقادات دي بس الحاجة الوحيدة إللي أفتخر بيها إني حطيت حلمي قدامي وقولت لازم اكمل لأن سلم النجاح شويه هتقع شويه هتطلع شويه هتتعب لحد ما توصل لحلمك
《س/ من مثلك الأعلى؟ 》.
أمي ،. استاذة منى عبده
《س/ ما رأيك في مقوله إن الكاتب المتميز هو القاريء الجيد؟ 》.
فعلاً مقوله صحيحة لأن الكاتب بيبقي عارف حاجات بردو من شغله وانو يكون قارئ أولا ثم كاتب وكمان الكاتب بيبدا ينمي مهاراته وقدراته أكتر كمان لما بيقرا أكتر
《س/ ما هو شعورك عند الكتابة ؟ 》.
احساس جميل جدا لأن ما يخرج من القلب يصل إلى القلب
《س/ هل فكرتي بممارسة موهبة أخرى بجانب الكتابة؟ 》.
نعم هو الشعر وكمان لأني بحب الشعر أكتر كمان من الكتابة شويه
《س/ ماذا تعطيكي الكتابة من إحساس؟ 》.
هو إحساس لايوصف بتحسي أنك جوه الكلام وجوه المشاعر
《س/ ماذا سيكون ردك إن طلب منك كاتب مبتديء المساعدة ؟ 》.
أكيد طبعا هيكون ردي إني هساعده لأننا بردو كنا مبتدئين كنا لسه في الأول ف طبعا أكيد الرد إني اساعدك زي ما في يوم من الايام حد ساعدني وبقيت دلوقت حاجه كويسه
《س/ ما صفات الكاتب المثالي في وجهة نظرك؟ 》.
إنه يخليك في عالمه وانو كمان تحس أنك جوه الكلام بتاعه دي حاجه كويسه جدا
《س/ هل يوجد لديك مواهب أخرى؟ 》.
الشعر
《س/ هل حققتي إنجازات في هذا المجال؟ 》.
طبعا عملت ثلاثة كتب وكمان محررة صحفية للجريدة وكمان مؤسسة جريدة بداية حلم للمواهب وكمان مؤسسة مبادرة غاسق
《س/ هل تقدمتي لخطوة النشر الإلكتروني؟ 》.
لأ لكن بإذن الله هنتقدم للخطوة دي
《س/ هل يمكنك أن تحدثينا عن خططك المستقبلية؟ 》.
بإذن الله في حاجات كتير كويسة هتتعمل خلال الفترة الجاية إن شاء الله
《س/ هل تفكرين في الانعزال عن مجال الكتابة في يوم من الايام؟ 》.
لا اظن إني أقرر في الانعزال عن المجال
《س/ هل تريدين توجيه كلمه لمن قرر الانعزال بسبب الاحباط والتناقد، وما نصحيتك لتخطي هذا الامر؟ 》.
أنو في سلم النجاح شويه هتقع شويه هتطلع شويه هتتعب لحد ما توصل للحلمك وطبعاً الايمان بالله وأنك تبقي واثقه إن ربنا سبحانه وتعالى بيده أمرك وانو بيخترلك الأحسن كمان ف أطمئن وكمل علشان توصل للحلمك
《س/ وفي نهاية هذا الحوار هل تريدين توجيه كلمه للجريدة؟ 》.
أحب أشكر كل إللي سمعني وبشكر الصحيفة المتواضعة والجميلة مريم السيد وأحب أشكر أخواتي واشكر أستاذتي منى عبده نور وأستاذة علا ابراهيم
وفي الختام نرجو أن نكون أسعدنا حضراتكم، ونتمنى لكم جزيل الشكر، والاحترام.
☆☆☆☆☆☆☆☆☆☆☆☆☆☆☆☆☆☆☆☆☆☆
رئيس التحرير: محمد يعقوب.
المحررة الصحفية: مَرْيَم السَيِد صَلاح||لُؤلُؤة.
☆☆☆☆☆☆☆☆☆☆☆☆☆☆☆☆☆☆☆☆☆☆