كل شخص منا له موهبه خاصه يتفوق على كل شئ بها
_يسرنا جريدة موج الإخبارية بعمل حوار مع الكاتبة المبدعه_:-إسراء هلال
☆☆☆☆☆☆☆☆☆☆☆☆☆
الاسم :- إسراء هلال
السن:- 19 سنة
المحافظه :- الغربيه
لقبك :- غيبوبةة
{منذ متي بدأتِ في مجال الكتابة} :- من وأنا في إعدادي تقريبًا
{ماهي إنجازاتكِ؟} :- كتبت بعض من الخواطر في اكتر من كيان وأكتر من اسكريب وكتبت قصص قصيرة، وشاركت في مسابقه كنت دخلاها من باب إنِّي بقوي نفسي بس لاقيت إنِّي قدرت اعمل فيها كتير أوي، ومِشاركه حاليًا في كتاب مجمع في كيان من اللي أنا فيهم، والاهم اني بعمل حاجه خاصه بيا لوحدي الفترة دي
{من الذى كان يمثل لكِ الدعم في طريقك} :- ماما، ماما بجد أكتر حد كان ومازال بيقولي كملي في الكتابه واكتر حد مستني يشوفني محققه في المجال دهه، وأصحابي دايمًا كانوا يشجعوني ويقلولي كملي
{هل ظهرت هذه الموهبه عندك منذ الصغر}:- ممكن على رأي ماما إني كنت من وأنا صغيرة عليا تعابير في الكلام واسلوب خاص بيا حتى في مُذاكرتي غريب بس كويس وكنت قادرة على خلق حوار كامل وأقدر اتكلم مع اللي قدامي في أي موضوع
{هل يوجد شيء لازلت تبحث عن تحقيقه} :-
الحاجه الوحيده اللي ليسا بدور عليها هي إني أقدر أخُد فرصتي بجد وأقدر أوصل واتمنى دهه طبعًا لِنفسي
{كيف تعامل مع ضغوطات العمل }:- الاول كنت بهرب وأنام، لكن حاليًا بواجِه، واني أسأل نفسي هل انا مضطرة استحمل الضغوط دي ولا منش مُجبره عليها أصلا، وان مقدرتش بحاول أعبر عن الضغوط دي بإني أجري أكتب عنها واعبر عنها في صورة نص
{نبذة عنك }:- نبذة عني! مش حاجه قد منا طالبه جامعيه حقيقي نفسها تقدر تحقق كتير في مجال الكتابه وكمان في مجالها الخاص بالكليه بتاعتها وواثقه في نفسها وانها هتقدر في يوم توصل
{ما هو آخر كتاب قراته }:- حبيبي سُكْر مُر
{ما هو سبب اختيارك لهذا المجال بالتحديد}:- يمكِن عبر كتير عن حاجات مكُنتِش بعرف اعبر عنها قدرت أعبَّر بيه عن الاصوات اللي جوايا في صورة كلمات جنب بعضها، وإحساس ناس كتير مننا.
{هل تفكر في تقديم كتاب جديد الفتره القادمه}:- هي روايه واتمنى تكمَل على خير
{كيف تقيم ما وصلت اليه حتى الان }:- هو مش أحسن حاجه بس انا مُقتنِعه انِّي بكتِب حلو جدًا وقادرة إنِّي ارضى بيه وبفرحتي بنفسي واكون فخورة ببيا لو حتى بِنص واحد
{ما هي المقاومات العمل الناجح بالنسبه لك}:- دعم العائله، دعمهم يكون موجود وميلاقيش إحباط من الناس اللي منوا ودا من رأي من العوامل الضروريه واللي محتاج الكاتب تكون حواليه.
{كيف كشفتِ تلك الموهبه } :- كنت ماسكه كشكول وقلم ودماغي إلا تكتب كلام بيدور فيها وبقنِّع نفسي ان مش هعرف بس دماغي متاكده ان لاء هتعرفي لحد ما كتبت قصه صغيرة على قد سني وقتها كنت 13 سنة او 14 تقريبًا
{نبذة عن آخر عمل قمت به وهل حقق نجاح أم لا }:- مُسابقة كيان كيلارينت على مستوى التيم بتاعي فأنا كنت كويسه جدًا واعتقد ان في أمل أنجح واتأهِل.
{ماهي صفات الكاتب المثالي وما يجب أن تكون له من صفات} :- واثُق في نفسُه، عارف هو عاوز يوصل لإي، قادر انه يتقبل النقض ويصلح من ذاتُه، ويكون مصدق اللي هو بيكتِبُه مش مجرد كلام وخلاص علشان إحساسوا يوصل للقارئ، القراءة الكتير جدًا ودي جمله قلهالي مُدرِس ليا في مرة ودي كانت حمله صح اوي.
{هل واجهتكِ صعوبات في المجال وكيف تخطيتها؟} :- قالي مرة حد مني إنِّي بلعب مش بعمل حاجه مُهِمه اوي وقالي إنَّها مش واقفه عليا وإن أي حد ممكن يكتب وحقيقي انا كلاموا دهه لحد النهاردة متخطيطتوش وليسا عاوزة ومتأكده انِّي في يوم هوصَل وساعتها هروح اعرف نفس الشخص دهه إن إسراء مكنِتش بتلعب
{كيف نميتىِ موهبتك }:- دخلت كيان اسمُه مِرسَال أوريَانا وأنا ممنونه لـِ مريم أيمن علشان دخلتوا عن طريقها واشكر ناديه على تعبها في الكيان، ودخلت كيان تاني إسمُه كيلارينت وبرضوا انا حابه أشكُر المؤسس حاتم عبدالرحمن والقائدة سلمى سيد على الكيان دهه وكل حاجه عملوها فيه، ومتأكِده ان الكيانات دي لو خدت حقَّها فـَ في ناس كتير اوي هتستفاد من دهه
{من أكثر الشخصيات قدوة لكِ في مجال الكتابة }:- مش فكرة قدوة بس عمرو عبدالحميد في كتاب أرض زيكولا كان حاجه فوق الخيال وحقيقي فكره ونقطه حلوة اوي عبر عنها بدون ماياخد بالوا وهو ان فعلا في مكان التعامُل فيه بالوحدات بس بقى مش وحدات الذكاء لاء احنا بنتعامل مع الناس في قلوبنا بوحدات وان قدرت تحافِظ على وحداتَك في قلوبنا فانتَ موجود غير كدا فَقلوبنا بتطردك تلقائي
{أين ترى نفسك بعد خمس سنوات}:- في معرض كتاب القاهرة الدولي ومش بتفرج على الكُتب تؤ وأنا بتكلِم عن سلسلة الكتب بتاعتي أنا.
{ماهو أفضل الاساليب لديكِ فى الكتابة}:- بعيش جوا النص وبعبر عن حاجه انا شيفاها وحاساها علشان إحساسي يوصل للي هيقرأ.
{هل لديكِ اى مواهب اخرى؟ }:- الكليه خلت في مواهب كتيرة والله أهمها تقليد الصور، وأنا فخورة بوجودي في الكليه اللي علمتني كتير اوي.
{الكاتبه من المواهب الفطريه هل تظن ان من الممكن ان تكون موهبه مكتسبه؟ }:-ممكن تكتسبها لو انتَ عاوِز دهه أكيد من أول مرة مش هتبدِع بس بعدين فأنتَ أكيد مع تطويرَك لِذاتَك هتوصل وهتبقى صورة مُحبَّبه لكتير اوي.
{لتكون كاتب محترف يجب ان تكون قارئ جيد}[ هل تظن ان هذة المقوله صحيحه أم لا] :- صحيحه جدًا وأنا مؤمنه بيها اوي.
{ارينى شيء من كتاباتك}:-
هل أُثِرتُ؟
لِمَا الحياة تمتلئ بِمَ لا أريد وكأنها تسير عكسي فقط؟ أردت في كل مرة أن أتْرُك يأس وتعب هذا السِجن، لَكِنَهُ أبى أن يترُكني أنطلُق إلي أحلامي، وأبى السماح لِجناحي بِالتحليق.
لِما لا يوجد حولي ولو أمر يتشبث بي غير ذلك البؤس؟ البؤس الذي يرفُض تركي لِأرحل إلي أماكِن تُشبيهني وتُضئ حياتي، تمنيتُ لو أستطيع أن أخرُج من هنا الي عالم أخر، عالم أجتمع فيه مع أمنياتي وليس ما فُرِض عليَّ.
كأن الأمر فَرضٌ وليس لي الحق حتي بِالمُطالبه بِالتحرُر، أُثِرت روحي وقلبي وها أنا كُلي اليوم مُقيد.
لـِ: إسراء هلال
{كلمنا عن خططكِ المستقبلية وما تريد تحقيقه} :- خططي مش بس دايرة في مجال الكتابه ان كمان محتاجه أطور من ذاتي في تخصُصي وأخُد كورسات تبع كليتي وأسلط لنفسي الضوء شوايا على كليتي وأنفِذ فيها
{كلمة تريدِ توجيهها للجيل القادم نحو الكتابة}:- لو حابين دهه اقرأوا واقتنعوا بانفسكم قبل ماتحاولوا تقنعوا غيركم بيكم.
{كلمه تريدِ قولها لنختتم بها الحوار وما رايكِ فى الجريده؟} :- حابه أقول انِّي مبسوطه باللحوار دهه، ودمتُم مبدعين
__________________________
رئيس التحرير:- محمد يعقوب
المحررة الصحفية:- أمنية اسامه شلبى "
☆☆☆☆☆☆☆☆☆☆☆☆☆