شخصيه إرتبط إسمها بالنجاح
إنسانه مثل عَلم يرفرف ، كَـ شمس حُريه تشرق على أرض مُحتله ، إنسانه مليئه بالطموح والشغف .
------------------------------
الإسم :- نعيمة وائل محمد
السن :- ١٩ سنة
المحافظة :- الدقهلية
الموهبه :- كتابة الخواطر و المقالات الفلسفية.
-------------------------
ممكن تعرف نفسك في بضعه سطور ؟
فتاة تحبو لأجل أن تصل إلى مرادها، لا تقبل الإنهزام فإما أن تنجح أو تنجح لا خيار آخر .
--------------------------
ممكن تقولنا بدأت كتابه من إمتى ؟
من حوالى ٣ سنين ، بس كانت خواطر عابرة قبل ما صديقتى تكتشف موهبتى و تساعدنى أنميها.
--------------------------
مين وقف جمبك وشجعك في أول خطوة ليكِ فـِ المجال ؟
هما اتنين أنا ممتنه ليهم جدا
" صديقتى هدى " اللى اتعرفت عليها ف معرض القاهرة الدولى للكتاب و صاحبة الفضل ف أنى أنمى موهبتى و أطور من نفسى .
اختى شيماء؛ لأنها أكتر حد دعمنى بالرغم من اختلافنا ف حاجات كتير إلا أنها برضو شجعتنى أخد خطوات كتيره .
--------------------------
هل لديكِ أعمال ورقية أو إلكترونيه ؟
نعم، شاركت فى كتاب خواطر مجمع
( ما علمته لنا الأيام )
و كتاب
( بين سطور الكتاب )
ونزلوا ف معرض الكتاب .
--------------------------
من رأيك الكاتب المثالي أو الناجح أي أكتر شيء بيتصف بِـ ؟
المرونة و ألا يضع قلمه فى إطار واحد، أن يكتب كل الالوان و أن يكون له أسلوبه الخاصه فى الكتابة .
--------------------------
أي شخص في بداية حياته أو مشواره بيقابل صعوبات فهل واجهتك صعوبات في المجال ؟
وإزاي تخطتيها ؟
من أكتر الحاجات اللى سببت لى إحباط أنه لما بنزل خاطرة أو مقالة جديده ليا مبلقيش عليها أي تفاعل بالرغم انا بكتب شئ قيم
" من وجه نظرى "
ف حين أنهم بيتفاعلوا مع كل ما هو وضيع
غير مدركين لقيمة الشئ اللى بتقدمه.
--------------------------
كلمنا عن انجازاتك داخل وخارج المجال ؟
" خــارج المجــال " أخذت تدريب عملى لمده ٧ شهور ف مجالى و ده ادانى خبرة كبيرة
مترجمة لغة إشارة، اخدت كورس تنمية مهارات وصعوبات تعلم، وكورسات تانية ف مجالى .
"داخــل المجـــال" شاركت في كتابين ورقيين ، كتبت حوالى ٨ مقالات بتناقش مواضيع مختلفه ف فترة قليلة .
--------------------------
ماهي الحكمه التي أخدتها نهج لك في حياتك ؟
" دوام الحــال مــن المحــال "
بحطها دايما قدام عينى ف لحظات فرحى قبل حزنى .
--------------------------
من وجهه نظرك كَـ كاتب
هل الكتابه هوايه أم موهبه ؟
موهبة طبعًا ؛لأن كلنا نقدر نكتب بس الفرق أن كلمات الكاتب بتوصف أفكاره و مشاعره و معتقداته بأسلوب سلس و مختلف مش مجرد إنشاء و خلاص .
--------------------------
لكل شخص مثل أعلى لهُ في الحياة بيأخذه قدوة له ويهتدي به ، فمن مثلك الأعلى ؟
أنا، شايفه أن مفيش بنى آدم ينفع يكون قدوة التانى ف كل حياته ؛لأن حسب طبيعتنا كـبشر ف احنا فينا العيوب و المحاسن ف لما أخد شخص قدوة هتبعه ف كل حاجة ؛لأنه فى نظره عظيم و العظمه كلها للّٰه عزوجل، وإنما ممكن اتعلم منك حاجات حلوه مش اتبعك ف كل حاجة .
--------------------------
لكل شخص منا حُلم يريد أن يصل له فما هو حلمك ؟
" أن تبقى كلماتى بعد مماتي لتخبر القادمين بأنى وجدت هنا يوما ما "
--------------------------
ممكن شيء من موهبتك ؟
" عبثًا تحاول الوصول إلى دربِ لا تعرف منتهاه
و ضائعًا جهدك المبذول فى غير موضعه، لربما ظننت أن القدر يعاكسك أو أن العلة بك ؛لكن ربما سلكت طريقًا لا يشبهك طريقًا كلما مضيت قدمًا فيه أختنقت أحلامك و حاولت الفرار ؛ولكنك تسترضيها بشتى الطرق بأن تعيد صياغة ذاتها لتلاءم واقعك المحتوم .
كفاك ركضًا فى غير أرضك فأى متعة ستجدها فى رحلة لا تشتهيها . "
--------------------------
كلمه نختم بها الحوار !
أتمنى أن يكون مراد اللّٰه لى هو نفس مرادى .
اللهم استعملنى و لا تستبدلنى .
--------------------------
في النهاية نحب نشكرك على هذا الحوار ، مع كل الدعوات لكِ بدوام التفوق والنجاح .
------------------------------------
#المحررة_الصحفيه_أماني_حمدي"
#مؤسس_الجريدة _محمد_يعقوب"
