ونبدأ الحوار ونتمنى لكم قراءه مُثمره.
«الاسم» :- نيرة عبدالناصر عبدالنعيم
«السن »:- 16
«المحافظه »:- الغردقة
«الموهبه»:- الكتابة
«الهوايه »:- الكتابة والتصوير
«نبذه تعريفية عنك في بضعه سطور»:- اسمي نيرة عندي 16 سنة، بدرس في المرحلة الثانوية وموهبتي الكتابة.
°°°°°°°°°°°°°°°°°°°°°°
«س/كيف ومتى بدات فى هذا المجال ؟» :-
_بدأت أكتب بالفصحى وأشارك كتاباتي من أكتوبر ٢٠٢٢، أنا من صغري كنت بحب أكتب قصص قصيرة، ولما كبرت شوية أتجهت للكتابة بكل انواعها، بدأت بالخواطر القصيرة وبعدها توسعت للباقي والحمدلله لقيت إنها عجبت ناس كتير.
°°°°°°°°°°°°°°°°°°°°°°
/جميعا نواجه صعوبات ،وانتقادات فى بدايه شغلنا، ما الصعوبات و الانتقادات التى واجهتك؟»:-
_ من أكبر المشاكل الي واجهتني هي التوفيق بين الدراسة والكتابة، وتاني مشكلة إن ناس كتير مكنوش مصدقين إن دي كتاباتي كانو فاكرين إني أخداها من كتب وحاطة عليها أسمي ودا كان موضوع بيضايقني جدًا، بالإضافة إلى أن أهلي كانو بيضغطوا عليا في بعض الأوقات اني أوقف كتابة خوفًا منهم أنها تشغلني عن حياتي.
°°°°°°°°°°°°°°°°°°°°°°
«س/من قدم لك الدعم فى بدايه مشوارك؟»:- صراحًة أغلب صحابي كانو بيشجعوني وكمان مامتي كانت مبسوطة بنجاحي ودا كان مديني دافع أكمل.
°°°°°°°°°°°°°°°°°°°°°°
«س/من هو مثلك الاعلى ؟»:-
_لو في الكتابة فأكيد دكتور أحمد خالد توفيق، بيعجبني جدًا أسلوبه في السرد وطريقة قصه للحكاية، لكن مثلي الأعلى في الحياة عمتًا هو سيدنا محمد عليه أفضل الصلاة والسلام.
°°°°°°°°°°°°°°°°°°°°°°
«س/هل فكرت بممارسه موهبة اخرى بجانب هذه الموهبه ؟»:
- أنا بالفعل عندي مواهب تانية غير الكتابة ولكني برتاح أكتر لما بمارس الكتابة أكتر من أي هواية تانية؛ لكن دا ميمنعش برضو إني بحاول أنمي باقي المواهب على قد ما أقدر.
°°°°°°°°°°°°°°°°°°°°°°
«س/ما رأيك في هذه المقوله
( لتكون ناجح ستمر بالعديد من الفشل،وعليك التغلب عليهم وعدم الاستسلام، فالنجاح والفشل مثل العملة التي لها وجهان)
هل تظن أن هذه المقوله صحيحه أم أنه لا يوجد علاقة بين النجاح والفشل»:
-في رأيي المقولة صحيحة جدًا، أي إنسان عشان ينجح محتاج يتعب ويفشل والي بيفرق اليائس من الناجح هو شيء واحد بس: هل لما وقعت قدرت تقف تاني ولالا.
°°°°°°°°°°°°°°°°°°°°°°
«س/ تحدث عن انجازاتَك داخل وخارج المجال»:
- كتبت مقال عن محاربة الغش والفساد وأتكرمت من مدرستي عليه.
وشاركت في كتابين واحد بأسم: الجانب الذي لم يره أحد، والتاني أسمه: مشاعر كاتبة.
مسكت رئيس مكتبة مدرسة الغردقة الثانوية بنات بفضل الله،
وكتبت كذا مقال عن الصلاة وبعض الصحابة والمقال آخر بيفسر المعني الصحيح لمقولة "الدين يسر مش عسر"
بالاضافة إلى إني شاركت في كيانات ومبادرات كتير للكتابة.
°°°°°°°°°°°°°°°°°°°°°°
/ماذا سيكون ردك ان طلب منك كاتب مبتدئ المساعده»:
- اتق الله فيما تكتب.
_حاول دايمًا تحسن من نفسك ووخلي ليك أسلوبك اللي تتميز بيه، ومتقفش عند نقطة معينة وتقول أنا كد تمام؛ لا دايما ابحث ودور لغتنا عريقة ومفيش حد يقدر يحصي علومها في وقت قليل، وصدقني مع الوقت هتلاقي في تطور وتحسن ملحوظ.
°°°°°°°°°°°°°°°°°°°°°°
«س/هل يمكنك ان تحدثنا عن خططك المستقبلية»:
-بإذن الله هينزل عمل ليا في معرض الكتاب كمان كام سنة لسة مخططتش اي حاجة للعمل لكن ما ذلك على الله بعزيز
°°°°°°°°°°°°°°°°°°°°°°
«س/هل تقدمت فى خطوه النشر الالكتروني؟»:
-الحمدلله بفضل ربنا ثم الإستمرار في النشر إلكترونيًا مستوايا اتحسن جدا في اسلوب الكتابة وكمان فكرة إن يكون في جمهور منتظر دايما الجديد منك ومستمتع بأسلوبك فدا شيء لطيف جدا
°°°°°°°°°°°°°°°°°°°°°°
«س/ما هى صفات الكاتب المثالي فى وجهه نظرك؟»:
١- يكون له أسلوبه المميز في الكتابة والسرد،
٢-تكون كتاباته متنوعة يعني مش كل كتاباته بتتكلم عن الحزن فقط او الفرح فقط
٣-تكون حروفه لها هدف وغرض عايزة توصله مش مجرد عبث بالحروف
٤-يتقي ربنا في الي بيكتبه
٥-ميتكبرش ويفتكر دايما إن الكتابة هبة من الله عز وجل وممكن ربنا ينزعها في اي لحظة لأن وللأسف في كُتَّاب مجرد ما يتشهروا في الوسط بيتعالوا.
°°°°°°°°°°°°°°°°°°°°°°
«س/هل تفكر فى الانعزال عن هذا المجال فى يوم من الايام؟»:
-حاليا مفيش أي نية للإعتزال لكن ممكن يجي عليا يوم اعتزل فيه النشر بسبب الضغوطات لكن معتقدش اني هعتزل الكتابة كلها لأنها حقيقي جزء مني ومن شخصيتي.
°°°°°°°°°°°°°°°°°°°°°°
«س/هل تود توجيه كلمه لمن قرر الانعزال بسبب الإحباط والتناقد ،وما نصيحتك لتخطي الامر؟»:
-مفيش حد دايمًا ناجح، اغلب البشر وقعوا وتعثروا في مشوار نجاحهم والإنسان مفروض يؤمن بنفسه قبل ما الناس تؤمن بيه فلو أنت قررت تعتزل بسبب نقد الناس راجع علاقة إيمانك بنفسك وموهبتك ولما تحسن العلاقة دي هتلاقي نفسك بتبتعد عن فكرة الاعتزال لأن جواك عارف إن في شخص ما هيجي وهيبقى ممتن لحروفك وخواطرك.
°°°°°°°°°°°°°°°°°°°°°°
«س/ما هى افضل الكيانات التى شجعتك فِ الوصول لحلمَك ؟»:
- كيان ديلارا طبعا أول كيان تعاملت معاه، وكيان معجم لغة الضاد بجد من أحسن الكيانات الي ممكن حد يتعامل معاها، وجريدة كلمات من ذهب أيضا لها كامل الشكر والتقدير بالإضافة لمبادرة يقين كاتب وكيان كيلارينت
* كيان كولين أيضا مقدرش أنكر فضله ولكن أسلوبهم اخر فترة لما حد كان ميقدرش يشتغل سئ بالمعنى الحرفي فياريت يحسنوا من اسلوبهم.
°°°°°°°°°°°°°°°°°°°°°°
»س/هل يمكن للشخص الاعتماد علي الكتابه فى حياته المهنية؟»:
-عشان اكون صريحة انا شايفة انه لا؛ لأن الكاتب عشان يطلع عمل كويس ينشره بياخد وقت طويل والحياة متطالباتها كتير فأنا بشوف إن الشخص ممكن يمارس مهنة الكتابة كمهنة فرعية بجانب مهنة تانية اساسية تضمن له حياة مادية كويسة.
°°°°°°°°°°°°°°°°°°°°°°
«س/هل تعرف جريده موج الاخباريه؟»:- عرفتها من فترة قصيرة.
°°°°°°°°°°°°°°°°°°°°°°
«س/-ماذا تتمنىٰ من الجريدة الفترة القادمة ووجه كلمه للجريده ؟»:- بتمنالهم كامل التوفيق والنجاح الدائم، وبشكر الجريدة على تعاملها المحترم واللطيف.
°°°°°°°°°°°°°°°°°°°°°°
«س/اى سؤال تحب تضيفه »:- لا
°°°°°°°°°°°°°°°°°°°°°°
«س/كلمه أخيرة نختم بها الحوار الصحفى »:
_ كن مع الله ولا تبالي ولا تخاف أي شيء.
°°°°°°°°°°°°°°°°°°°°°°
والآن لقد تم إنتهئنا من القاء مع (ك/نيرة عبدالناصر) مع تمنياتنا له بالمزيد من الازدهار والتقدم فى مجاله ،ونتمنى آيضاً لقائنا مرة اخرى بإنجازات أكبر..
تحت إشراف مؤسس الجريدة: "محمد يعقوب".
كانت معكم المحرره الصحفية"رحمه صالح "
وَاَلْسَلَاَمَ عَلَيِكُم وَرَحَمَه اَلْلُه وَبَرَگاتُه.
