كما عودناكم أعزائي القُراء في "جريدة موج الإخبارية" بشخصياتٍ أبدعت في مجالها، واليوم شخصيتنا إرتبط إسمها بالنجاح، والإنجازات؛ وسوف نقوم بالتعرف عليهاا
:-
- اسلام داود من مطوبس كفر الشيخ 26 سنة ليسانس اداب فى اللغة الفرنسية
____________
- حدثنا عن بداية ميلاد شخصيتنا، كيف بدأت خطواتك في عالم الرسم؟
-بدات ف رابعة ابتدائى كنت بقلد اى حاجة بشوفها وبحاول اطلع الشبه بالظبط وكنت الى حد ما بجيبه
وبعدين لما دخلت الاعدادية اتحسنت شوية وبدأت اهتم بالتفاصيل الصغيرة
ولما وصلت الكلية اشتربت اقلام احسن عشان اوصل للمستوى ال انا عايزه بس طبعا كل مرحلة كنت بوصلها كانت بتزود شغفى بالرسم اكتر واكتر وبتخلينى احلم بمستوى احسن والحمد لله لسة في تقدم
***
- قالوا أن الرسم هو تعبير عما بداخل الشخص، ما رأيك بهذه المقولة؟ ولمن تسعد لرؤية لوحاته الفنية؟ وما الذي يجذبك ويجذب الآخرين إليها؟
-الرسم مراية للفنان بس الفرق انه بيشوف نفسه على هيئة لوحة جميلة مرسومة وبيعبر عن ال جواه وكمان الرسم علاج طبى موثوق لبعض الحالات النفسية لانه مريح للاعصاب وبياخد الشخص لعالم تانى بعيد عن الهموم والمشاكل والرسم من اجمل الهوايات لانه دايما بيعبر عن فكرة او بينقل صورة
انا بحب اشوف اى لوحة حلوة لاى حد اياكان كبير او صغير قديم او جديد وبحب اتأمل ف التفاصيل الصغيرة ال بتوضح الصورة اكتر دى بالنسبالى اهم من الرسمة نفسها لانها هى ال بتبين فعلا جودة الرسمة وقوة
____________
- حدثنا عن داعميك، وهل تقوم أحيانًا بدعم نفسَك بنفسِك إذا تخلى الجميع عنكَ؟
- اكتر حد دعمنى هو انا
كان كل ال حواليا رافضين فكرة الرسم ومتأكدين انه حرام فكانوا دايما بيحبطونى بس انا طبعى مبسمعش لحد فكملت ف طريقى ومش مستنى اى ربح مادى منه لانه هواية زي اى هواية عند اى شخص وبالنسبالى من احسن الهوايات لان الرسام بيحول الورقة الفاضية للوحة يمكن بعد سنين تكون حاجة الناس تفتكره بيها ولما الكل يتخلى عنى وعن طموحى هفضل دايما اشجع نفسي بنفسي
___________
- أن تصل متأخرًا خير من ألا تصل؛ هل تفكر أحيانًا في الزمن للوصول للحلم أم أنكَ تسير بخطوات ثابتة؟
-الزمن بالنسبالى مش معضلة
فيه صور بتخلص ف يوم وصور بتاخد وقت واعتقد ان كلما زاد الوقت كلما كانت النتيجة افضل وبعدين لما الانسان يكون واثق من النتيجة دا بيكون اكبر دعم لنفسه انه يكمل بخطوات ثابته لانها بتعتمد ع النتيجة مش المراحل
________
- يبحث القراصنة عن الكنز الذهب والفضة، والقوي هو من يجني أكبر الكنوز؛ الرسام أيضًا يبحث عن كنزه الخاص، إنجازه الخاص الذي يحلم به دومًا ويحمل إسمه إلى الأبد؛ حدثنا عن إنجازاتك :-
-هو مش انجازات بس انى اقلد صورة يمكن تكون الاغلى ف التاريخ واطلعها بنفس الدقة دا ف حد ذاته انجاز كبير ليا والانجاز الافضل هو انى احول ورقة بيضاء للوحة كاملة لناس عظماء زى فخر العرب اللاعب محمد صلاح وغيره كتير
___________
- نؤد أن نعرف رأيَك في الحوار وجريدة موج ؛ وأيضًا إقتراحاتَك لنا للنهوض بالأدب والفن :-
-حوار جميل واستمتعت جدا بالرد على اسئلتك 🤍
__________
- في الختام ماذا تود القول للرسامين الكبار، والرسامين الجدد؟
-الرسامين الكبار طبعا اساتذتنا ومازلنا بنتعلم منهم كتير وبنستفاد من خبرتهم الطويلة
الجدد اتمنى محدش فيهم يبطل او يمل لان كل لوحة بتبوظ منك بتبنى عليها لوحة احلى ومتاخدش الفشل كنهاية لان الفشل بداية النجاح وطول ما بتدور على حلمك هتوصل بمشيئة الله
نؤد أن نشكر "اسلام "علي هذة إللقاء الممتع واتمني له التوفيق والنجاح وايضا تتمني له عائله "جريده موج "مزيد من النجاح
رئيس التحرير/محمد يعقوب
المحرره الصحفيه/اسراء عبدالهادي مرغني
