"تترك العظيمات دائمًا آثارًا حولهن، وخلفهن، تخلدها كتاباتهن، وابداعاتهن، وموهبتن"
أتشرف بعمل حوار صحفي معكِ
___
الاسم : يمنى منصور
اللقب: إڤانچلين
السن: ١٧
المحافظة: الغربية
الموهبة: الكتابة
_حدثيني عن نفسك؟
أنا يمنى منصور بدأت كتابة لما كنت في تانية إعدادي يعني من حوالي أربع خمس سنين كدا، اشتركت لأول مرة في كتاب مجمع اسمه "أورسولا" ودخلت مسابقات كتير وكنت بأخذ مركز أول، حصلت على شهادات كتير، اسمي نزل ف جريدتين على جوجل مرتين، واتعمل معايا كذا حوار صحفي الحمد لله.
_منذ متى وأنتِ بهذا المجال؟
من أربع سنين تقريبا.
_لماذا دخلت هذا المجال بالتحديد؟
لقيت نفسي فيه جدا وحسيت اني عارفة أعبر بالكتابة عن مشاعري ومشاعر غيري اللي مروا بنفس المواقف اللي مريت بيها باختلاف بعض التفاصيل طبعا.
_في بداية مسيرتنا من المؤكد أن تواجهنا مصاعب وأشخاص سلبية تحبطنا فهل واجهت شيء من قبيل هذا ؟وكيف تخطيته؟
كتير اوي كنت بسمع إنها مجرد تضييع وقت وإن الأولى أركز على حاجات تانية متقلش أهمية عن الكتابة بردو بس دي مش مجرد مهنة بالنسبالي ولا حتى هواية هي أكبر من كدا وحاجة بعملها بكل حب وشغف وبطلع فيها همي أحيانا ف مكنتش بخلي كلام حد يحبطني ولا يأثر فيا زيادة عن اللزوم لأنها في الآخر حياتي أنا وتخصني أنا مش تخص حد غيري.
_ماهي أحلامك داخل وخارج هذا المجال:
داخل المجال أعمل حاجة فردية وتتشهر واسمي يكون معروف ومؤثر نوعًا ما، خارج المجال أكون بردو مؤثرة والناس تستنى كتاباتي وتتفاعل معاها دايما.
_ما الإنجاز الذي تفخر به؟
بصراحة لسه مفيش حاجة حاسه إنها تستحق الفخر قد كدا بس يمكن كوني قدرت أطور من نفسي ومن مستوايا وأنا في سن صغير دي حاجة جميلة جدًا بالنسبالي.
_نصيحة تقدمها للمبتدئين بهذا المجال؟
أكتب دايما اللي أنت حاسه ومتكتبش أي حاجة غير كدا؛ لأن اللي بيحدد الكاتب دا كويس ولا إنه بيكتب حاجة حاسسها مش مجرد كلام علشان يجيب بيه ريتش، ومتهتمش أبدًا في تفاعل وريتش ولا لا في البداية بتبقى صعبة ومحبطة بس بعد كدا مع الإستمرارية والسعي هيزيدوا إن شاء الله المهم تكون بتعمل حاجة أنت حاببها.
_من الداعم الحقيقي؟
أمي ربنا يديمها ليا.
_من وجهة نظرك ما صفات الكاتب المثالي؟
اللي بيقدر يوصل مشاعره للناس ويعبر عن مشاعرهم بالظبط.
_هل يوجد لديك مواهب أخرى؟
الرسم أحيانا.
_ما هو شعورك عند ممارسة هذه الموهبة؟
بحس إني بعمل حاجة بحبها وبطلع فيها شغفي وبكون فرحانة إن عندي موهبة زي دي.
_أضيفي شيء من موهبتك؟
بينما كنت في صدد مواجهة العالم معك؛ فوجئت بك أول اللاذين بالفرار قبل بداية المعركةِ حتى ... تلك التي أقمتها لأجلك.
يمنى منصور| "إڤانچلين"☆
_كلمة في نهاية الحوار:
أتمنى أي حد عنده موهبة ميتكسفش إنه يظهرها للناس ويحاول ينميها ويطورها وميأسش أبدًا من كلام حد، بكرة يتمنوا كلمة واحدة منك أو صورة معاك.
في النهاية نحب نشكرك على هذا الحوار، مع كل الدعوات لكِ بدوام النجاح والتفوق.
ــــــــــــــــــــــــــــــــــــــــ
المحررة الصحفية: نجـلاء سامي||طبيـبةُ القُلُوب♡||
رئيس التحرير: محمد يعقوب