كما عودناكم أعزائي القُراء في "جريدة موج الإخبارية" بشخصياتٍ أبدعت في مجالها، واليوم شخصيتنا إرتبط إسمها بالنجاح، والإنجازات؛ وسوف نقوم بالتعرف عليها.
ونبدأ الحوار، ونتمنى لكم قراءة مُثمرة.
《الاسم》 :- نورا رجب " رحيل "
《السن》 :- 18
《المحافظة》 :- المنيا
《الموهبة》 :- الكتابة والإلقاء والشعر
أولاً نريد نبذه تعريفيه مختصرة عن كاتبتنا الجليلة:-
اسمي نورا رجب من محافظة المنيا مركز ابو قرقاص عندي 18 سنه ف تالتة ثانوي عام وزي اي حد بيهرب من نفسه وبيروح للقلم عشان يشكي همومه للكتب حياتي عاديه وبسيطه جدا المميز فيها هي ان في حاجه بهرب ليها وهيا الكتابه
《س/ متي، وكيف كانت بدايتك في مجال الكتابة؟ 》. امته بدايتي ف سن ال12 وازاي كانت بدايتي مع كيان اريانا
《س/ مَن هو الكاتب الذي تأثرت به و بكتاباته؟ 》.
الاستاذ الدكتور /طه حسين
《س/ هل واجهتك صعوبات في هذا المجال وكيف تخطيتها ؟ 》.
سمعت انتقادات كتير من ناس قريبه مني وتريقة وكلام من دا كتير يعني بس الحمد لله قدرت اني اتخطي دا بالتفكير ف نفسي ومستقبلي وبس وابطل افكر ف كلام الناس السلبي
《س/ من أكبر داعم لك ؟ 》.
انا لان مش دعمني قد مدعمت نفسي او بالأحري محدش وقف معايا اصلا ف اكتر وقت كنت محتاجه فيه حد معايا
《س/ هل تتفق مع هذه المقولة« إن أردت أن تكون كاتبًا ملهمًا فكن قارئًا غائصًا» وهل يوجد علاقه بين القراءة والكتابة؟ 》.
اتفق بس مش اوي يعني لان الموهبة دي بتبقا نابعه من جواك لكن فيه فعلا علاقة بين القراءه والكتابة كل متقرا اكتر كل متبقا كاتب ناجح ف وقت قصير
《س/ ما هي انجازاتك في هذا المجال؟ 》.
اشتركت ف اكتر من كيان وذهبت لأكثر من حفلة ومبادرة وكل المؤسسين كانوا واقفين معايا وبيدعموني كل الشكر ليهم
《س/ في وجهه نظرك الكتابة موهبة أم مهارة يمكن تعلمها؟ 》.
الكتابة موهبة ومهارة ف نفس الوقت موهبة انك متقدرش تكتسبها قد متبقا خارجة من جواك انت ومهارة انك تعرف تستخدمها صح
《س/ هل تقبل الانتقاد أم لا؟ 》.
طبعا بقبل الانتقاد لان الانسان بطبيعته عمره مهيبقا مؤيد دايما او محايد دايما
《س/ ما الدافع الذي يشجعك علي الكتابة وما الذي يلهم قلمك؟ 》.
الي بيشجعني ع الكتابة اي شعور بحسه بهرب للقلم ع طول سواء حزن فرح ف اي وقت بكتب بس اغلب الأوقات بتبقا وقت الحزن
《س/ ما صفات الكاتب المثالي في وجهة نظرك؟ 》.
ان يكون لديه شعور صادق وبس بعد كدا كل الصفات هيبقا فيه كل صفات الكاتب المثالي
《س/ هل يوجد لديك مواهب أخرى؟ 》.
الإلقاء بكتب شعر وبلقيه ودا كمان من الأنواع الي بحبها جدا
《س/من وجهة نظرك كيف يتحول الكاتب من كاتب موهوب بالفطره الي كاتب محترف ؟ 》.
القراءة دي احسن حاجه ممكن يكتسب من خلالها الكاتب كل شيء يحتاجه
《س/ كلمة تود توجيهها للجيل القادم نحو الكتابة:- 》.
انظر فقط للأمام فلو كان حديث الناس صحيحا لقالوه في وجهك
《س/ هل يمكنك أن تحدثينا عن خططك المستقبلية؟ 》. نفسي اوي احقق حلمي اني ابقا كاتبة مشهورة وكتاباتي توصل للعالم كله واني احاول اقصي جهدي اوصل لأبعد عمق من قلب المستمع او القاريء
《س/ هل انت راضٍ عن مستواك أم تريد التقدم أكثر؟ 》. اكيد راضية الحمد لله ع كل حال بس بتمني اني اوصل لمكان افضل ف يوم من الأيام
《س/ هل تفضل الكتابة بالفصحي أم بالعامية؟ 》. الصراحة الاتنين بفضلهم والاتنين اجمل من بعض بس العامية بميل ليها شوية يعني
《س/ هل يمكننا رؤية شيء من كتاباتك المتميزة؟ 》.
اكيد اطمن
اطمن ي فلسطيني
لو احنا ف يوم اتخلينا عنك
فرب العزه فوق مش ناسي
يعلم ربنا ببكي عليك بقلبي قبل عيني
مش عارفه اعمل اي ف ياريت تسامحني
ياريت تسامحني ع قلة حيلتي
سؤال وكلنا عارفين اجابته
اي الي جد
مانت طول عمرك حمّال
طول عمرك شيّال ومبتستناش مساعده من حد
من يوم ولادتي للنهارده
مبسمعش عنك غير انك صبرت ونولت
عمري مسمعت انك تعبت
او انك يوم من الأيام استسلمت
بلادك محتله وبلادك بقت مدمره
وانت بردو لا زلت
لا زلت بتحاول تدافع عن بيتك وأرضك وانتهاك حرمتك
قتلوا زوجتك وابنك وبنتك
حرقوا قلوب ابوك وأمك
والعالم واقفين بيتفرجوا
وكان مش سامعين صوتك
قالوا انك ارهابي مسدقتش
قالوا انك خوفت واستسلمت
ف افتكرت ان الفلسطيني مبيتهزش
واثقه فيك وعارفه انك قد المسؤوليه
وان ميهزكش كام طلقه ف بندقيه
من امته وانت بتخاف من الصهاينه
يبني دا انت بنيت الرعب جوا قلوبهم
لولا كدا بيقتلوا فيكم وف أبطالكم
وبعدين يعني هتخاف ليه
مانت عارف طريقك بعد الشهاده بيودي لفين
فخوره بيك ي اخويا ولآخر نفس
هيفضل الحلم حلمنا والأرض أرضنا وفلسطين بنتنا
وارفع راسك بالعاالي
يخويا دانت الفلسطيني
يعني العزه والكرامه والشهامه
ارفع راسك دانت ابن الأقصي الغالي
وتيقن ان فلسطين هتبقا حره والقدس عربيه
ولو راح كل الي فيها فدا ليها.... وبقت كلها ملك الصهاينه
فلتحيا القدس عربيه ولتحيا فلسطين بشعبها قويه
گ. نورا رجب يونس " رحيل "
-ما رأيك في هذه المقولة لتكن شخص ناجح في حياتك، ستواجه بعض المشاكل وستفشل في بعض الأوقات؛هل تظن أن هذه صحيحة أم إنه لا يوجد علاقه بين النجاح والفشل؟ اكيد صحيحة فبداية كل فشل النجاح
《س/ وفي النهاية أود أن أعرف ماهو تعليقك علي هذا الحوار وهل لديك كلمة تريد توجيها للجريدة؟ 》. اتمني مزيد من التفوق الدائم لحضراتكم وشكرا لعمل هذا الحوار معي
وفي الختام نرجو أن نكون أسعدنا حضراتكم، ونتمنى لكم جزيل الشكر، والاحترام.
___________________*
رئيس التحرير: محمد يعقوب
المحررة الصحفية: ريهام جمال توفيق♡