ما عودناكم أعزائي القُراء في "جريدة موج الإخبارية" بشخصياتٍ أبدعت في مجالها، واليوم شخصيتنا إرتبط إسمها بالنجاح، والإنجازات؛ وسوف نقوم بالتعرف عليها.
ونبدأ الحوار، ونتمنى لكم قراءة مُثمرة.
《الاسم》 :- ولاء وسام السيد حلمي
《السن》 :- 21
《المحافظة》 :- الجيزة
《الموهبة》 :- كتابة روايات وقصص وخواطر
أولاً نريد نبذه تعريفيه مختصرة عن كاتبتنا الجليلة:-
انا ولاء وسام طالبة في كلية اداب قسم تاريخ جامعة حلوان عايشة في الهرم عندي 21 سنة مؤسسة فريق وعي اثري تاريخي اسمه
"دوائر تاريخية" وعضو في مبادرة هدفنا واحد مبادرة تاريخية...
وعندي بيدج ب اسم التاريخ فيس بوك وانستا ويوتيوب
عندي جروب واتس اب وفيس بوك ده جروب خاص بروايات وبنزل رواياتي عليه وعندي حساب علي منصة كتب اكاديمية ارسطو
بحب الكتابة من وانا صغيرة جدا وبحب القراءة للروايات جدا
《س/ متي، وكيف كانت بدايتك في مجال الكتابة؟ 》.
كنت في اعدادي بحب اقراء كتير واجي من المدرسة اكتب يوميات في كشكول ومن ساعتها بدات اكتب بقاا خواطر وقصص وروايات حتي الان.
《س/ مَن هو الكاتب الذي تأثرت به و بكتاباته؟ 》.
الكاتب عمرو عبد الحميد كاتب رواية ارض زيكولا ب اجزائها..
《س/ هل واجهتك صعوبات في هذا المجال وكيف تخطيتها ؟ 》.
واجهني كتير جدا من مثلا في بعض الناس قالولي مش مجال مهم وبلاضافة لبعض الصعوبات في اللغة العربية والدمج ما بينها وبين العامية وهكذا...
تخطيت كل ده بالممارسة والتجربة والقراءة الكتير. وحتي الان بتعلم وبتخطي اي صعوبات بتواجهني.
《س/ من أكبر داعم لك ؟ 》.
طبعا ماما وبابا اكبر داعم ليا، واخويا محمد ورحمة اختي بيدعموني كتير وبحب اخد رايهم هما الاربعة في كتاباتي..
بالاضافة لاصحابي المقربين اللي بجد بيدعموني ويشجعوني ومتابعين روايات وكتابتي جدا وبيفرحولي في اي نجاح، والي كل صحابي اللي بيدعموني في صفه عامه.
《س/ هل تتفق مع هذه المقولة« إن أردت أن تكون كاتبًا ملهمًا فكن قارئًا غائصًا» وهل يوجد علاقه بين القراءة والكتابة؟ 》.
اتفق جدا....
عشان تبقا ممتاز في حاجة لازم تمارسها من جميع الجهات كتر القراءة بيلهم الكاتب افكار وبيخليه عنده خبرة من اي لون وغير كدة بيبقا كاتب متنوع الافكار بسبب التنوع اللي بيقراه وانه بيتنوع ذهنه من القراءة لاي حاجة... روايات قصص قصيرة خواطر مقالات تاريخية وهكذا..
《س/ ما هي انجازاتك في هذا المجال؟ 》.
كتبت اول قصة قصيرة ليا اسمها "باب رزق"
كتبت اول رواية ليا "غلطة غير مقصودة"
ورواية"ثقتي الضائعة"
وحاليا بكتب رواية "صدمتي"
وشاركت في كتاب خواطر ب عنوان
"حكاوي منتصف الليل"
وحاليا بشارك في كتاب قصص بردو...
《س/ في وجهه نظرك الكتابة موهبة أم مهارة يمكن تعلمها؟ 》.
الاتنين...
اولا هي موهبة واللي بيبقا عنده الموهبة دي بيبقا كاتب متالق فعلا وممتاز في المجال ده،
ومهارة لان وارد اني اي شخص لديه ميول للمجال ده يقدر يتعلم وهيعرف يبقا كاتب ممتاز بردو...
ف شايفة اني الكتابة مجرد ميول الشخص للمجال ده وحبه ليها وللقراءة هيبقا كاتب كويس جدا.
《س/ هل تقبل الانتقاد أم لا؟ 》.
بقبله جدا وبحب الانتقاد..
لاني دايما شايفة اني الانتقاد يعلم الشخص ويطور منه مش يزعله... ف بحب اي حد ينتقدني في حاجة بجد وساعتها بشوف هل انت عندك حق ولا لا ولو عنده بتعلم من كلامه ولو مش عنده بحترم كلامه بردو...
《س/ ما الدافع الذي يشجعك علي الكتابة وما الذي يلهم قلمك؟ 》.
المواقف اللي بتحصل معايا في يومي اكتر دافع ليا في كتاباتي دايما افكاري بتتجدد من مواقف يومي واحداثه...
《س/ ما صفات الكاتب المثالي في وجهة نظرك؟ 》.
يكون اسلوبه بسيط في الكتابة و اللغة العربية الفصحي تكون جيدة وبالاضافة انه يكون شخص بيفكر بواقعية شوية يقدر يعبر عن حياته او حياة الاخرين في كتاباته يكون شخص ملهم.... وهكذا
《س/ هل يوجد لديك مواهب أخرى؟ 》.
اه بحب وبعرف اعمل لقاءات صحفية مع اي شخص او دكتورة عندي في الجامعة وبحب اشرح جدا للاشخاص الاماكن الاثرية..
ممكن يكون بعض الناس مش شايفين اني دي موهبة، بس من وجهة نظري شايفاها موهبة واي حاجة تقدر تخليك مختلف عن الاخرين بالنسبالي بتبقا موهبة اتميزت بيها..
《س/من وجهة نظرك كيف يتحول الكاتب من كاتب موهوب بالفطره الي كاتب محترف ؟ 》.
ب حاجات كتير الكورسات اللغوية ودخوله في المبادرات للكتابة والكيانات دي بتبقا ممارسات لي وكل ده بيزوده وبيحوله لكاتب متميز وممتاز في مجاله ومحترف
《س/ كلمة تود توجيهها للجيل القادم نحو الكتابة:- 》.
المجال كويس جدا وحلو جدا وفعلا هو عالم اخر عن واقعنا وحياتنا اتمني اني كل شخص حابب المجال ده يشتغل علي نفسه جامد جدا وينمي اللغة العربية كويس وطريقة الاسلوب والسرد والحوار بالنسبة للقصص وربنا يوفقهم جميعا..
《س/ هل يمكنك أن تحدثينا عن خططك المستقبلية؟ 》.
بحضر لكتاب فردي ان شاءلله.
بعمل خطط لتطوير فريقي دوائر تاريخية التاريخي وبنظم لبعض الزيارات للمناطق الاثرية..
بدات اقدم في كورسات مونتاج وديزين...
وفي اهداف كتير ان شاءلله احققها
《س/ هل انت راضٍ عن مستواك أم تريد التقدم أكثر؟ 》.
انا راضية بمستوايا حاليا بس بشتغل علي نفسي لاني متاكدة اني في افضل من كدة وعشان اكبر واطور من نفسي اكتر باذن الله.
《س/ هل تفضل الكتابة بالفصحي أم بالعامية؟ 》.
بالفصحي...
《س/ هل يمكننا رؤية شيء من كتاباتك المتميزة؟ 》.
"الوحدة"
ينتابني الشعور بالوحدة دائما يشغل تفكيري وحدتي...
لا احد يهتم لي او لامري..
بعضنا يعتقد ان الوحدة هو الحل لكل شخص يهرب من واقعه، ولكنها هي مرض نفسي يثير تفكيري دائما يجعلني اخاف من الغد...
هل الغد سوف اكون وحيدة ام لا..
اخاف كثيرا من وحدتي...
اخاف من تفكيري الدائم وانشغال بالي..
الشعور بالوحدة يجعلني انشغل عن كل امور حياتي يثير تفكيري ب شدة كبيرة...
ادعوك يا الله الا تجعلني اشعر كثيرا بوحدتي...
شعوري بالوحدة..
گ/ولاء وسام
-ما رأيك في هذه المقولة لتكن شخص ناجح في حياتك، ستواجه بعض المشاكل وستفشل في بعض الأوقات؛هل تظن أن هذه صحيحة أم إنه لا يوجد علاقه بين النجاح والفشل؟
جملة صحيحة جدا...
مافيش بني ادم ناجح في اي مجال او في حياته الشخصية حتي غير لما يكون فشل فيها او تعرض لمشاكل فيها..
لاني بكل بساطة الفشل بيولد النجاح والمشاكل بتولد الحل...
لو مواجهة مشاكل مكنتش عرفت احل اي حاجة تقابلني ولو مافشلتش مكنتش نجحت لاني الفشل والمشاكل بيعلموا كتير وبيدونا دروس بتخلينا نصحح من نفسنا ونعدل ونطور ولما بنعمل كدة ونحاول مرة تانية وتالتة وعاشرة بننجح في الاخر... دايما شايفة النجاح الكبير اللي بيجي بعد فشل كبير..
《س/ وفي النهاية أود أن أعرف ماهو تعليقك علي هذا الحوار وهل لديك كلمة تريد توجيها للجريدة؟ 》.
انا مبسوطة بالحوار ده بجد وكنت سعيدة معاكي جدا وحابة اشكر الجريدة واشكرك علي الحوار الجميل ده..
وفي الختام نرجو أن نكون أسعدنا حضراتكم، ونتمنى لكم جزيل الشكر، والاحترام.
___________________*
رئيس التحرير: محمد يعقوب
المحررة الصحفية: ريهام جمال توفيق♡
