تُسَر جريدة
موج الإخبارية بعمل حوار مع الكاتب المبدع
الأسم محمود سيد سعيد
اللقب محمود السيد"المر"
السن 21
الموهبة كاتب حكايات وقصايد
المحافظة بني سويف
منذ متي وأنت فِـ هذا المجال :
2018
ما هي إنجازاتگ منذ دخولگ الوسط:
يعتبر ديوان "حكايتي لسه وحيد" وكتابي على شاطئ الاسكندريه " هما اهم انجازاتي، رغم إني ظهرت على 7 قنوات ع التلفزيون والحفلات الكثيره التي استضفت فيها كاضيف شرف لكن لا اعتبر هذه انجازات..
كيف بدئت ف هذا المجال:
بدائت بكتابة وصف كل شئ ف حياتي بدائت إن أكتب عن حالي وحال الجميع
هل واجهت صعوبات فـي هذا المجال وإذا واجهت فكيف تخطيتيها:
الصعوبات التي وجهتها هي الاستهتار بقدراتي وكل كتاباتي كنت احاول دائما إن اطور من ذاتي ومن افكاري حتى يتفاعل الجميع مع كتاباتي اغلب قصايدي تحكي عن الفراق والحزن ف كان السخريه كثيرا ف كنت احاول انا صمت واطور من ذاتي
من الداعم لك:
لا أحد، انا فقط
من قدوتگ في ذا المجال :
ف الجيل الحالي لا أحد، واما ف الجيل القديم، ف الشاعر احمد فؤاد نجم والشاعر عبدالرحمن الابنودي رحمهم الله
ما هي خططك المستقبلية :
بإذن الله تعالى تم اتفاق مع دار همزء لنشر والتوزيع لنشر عملي القادم في معرض القاهره الدولي تحت اسم********، وحاليا احاول إن اظهر اسمي وصوتي ف كل مكان من خلال كلماتي وقصايدي..
إلي من تقدم الشكر :
إلي نفسي
و إلي الكاتبة ريم ماهر
شئ من موهبتگ :
هذه القصيده تعجبني كثيرا، وتلخص كل شئ..
من كام سنة
قابنلي موقف علمني معنى الصحاب
خلاني واقف محتار
ازاي عمري اللي فات معرفتش اختار!
صاحب يعوض مكاني في الدار
ولما اقول إني تعبان
الاقيه واقف على الباب
ازاي عمري راح؟
ومفيش صاحب ليا متاح
كان بابي ديما من غير مفتاح
كانوا يقربوا مني ديما في اي احتياج
لحد مبقاش ليا حد مباح
تملي
تملي صاحب الكل وحيد
يشوف الناقص مين ويسد مكان الغايبين
وانا كنت معاهم ديما ومع نفسي وحيد
عمري ما في يوم كنت بعيد
وياما شيلت حمول
ولا عمري قولت كده كتير
في لي ديما تملي وحداني
يا زمان ما تشوفلك واحد تاني
كفايه عليا احزاني
ما تبعد يا عم وتنساني
حظي في الصحاب واخد اصفارّ
زي الأرض اللي ولعت نار
ولا نافع فيها حصاد
ولا نافع معايا صحاب
حتى أهل الدار
مسبوليش أي اختيار
حتى قلبي هلكني
حتى عقلي قتلني
حتى ناسي رموني
حتى أهلي سبوني
ف صحبت نفسي
وخلتني مع همومي
لي يا زماني مش سايبني في حالي
ما تشوفلك واحد تاني
انا قلبي اتهلك من ضرب صحاب
سبت اللمه وبقيت وحيد المشوار..
_
داري يا قلبي في احزانك
الكل بقا عارف اي مالك
تجاعيك فاحت وملامحك راحت
وكلامك عن الأمل معدوم
ومن كل البشر مخدوع
فاكر زمان
كنت راجل عاقل وموزون
لحظه فجاء لقيتك مكسور
تخبيط في القلب تقول عادي
كلام في الحب يقول راضي
كلام في الحزن تقوم ساكت
ما تداري يا عم وتقول عادي
خت اي من كلامك عن الماضي
غير تمثيل وشويه افلام
بيلخص حزنك في كلام
لي دلوقتي زعلان هو انت كنت تمام؟
_
حكمه تؤمن بها ؟
لا أحد يحبك مثل ما تحب نفسك
ولا أحد يحاول علشانك بدون مقابل
هل لديگ مواهب أخري :
كرة القدم، كنت حارس مرمي لنادي الزمالك وسموحه والاتحاد السكندري لكن الاصابات كان له رائ آخر الحمدلله ع كل شئ
كلمه نختم بها الحوار :
الحمدلله على كل شئ، وانا واثق ف اختيارات ربنا، وكل الدعم لكل شخص يحارب لأجل حلمه
ما رأيك في الجريدة:
كل الشكر والتقدير لكل القائمين على الجريده بالتوفيق لكم..
وكل الدعم لصحفيه نور عبد الغني
مؤسس الجريدة :محمد يعقوب
المحررة الصحفيه :نور عبدالغني المناخلي .