_______________________
تتشرف جريدة موج بعمل حوار صحفي مع الكاتب
_______________________
الإسم:- احمد محمد فؤاد السيسي
السن:- 23
اللقب:-احمد السيسي
متىٰ اكتشفت قدرتك الإبداعية في الكتابة و كيف كان ذلك؟
من 6 سنين كنت بكتب كده مع نفسي وانا قاعد لوحدي حجات كده بس مكنتش بحب اوريها لحد لحد لما جيت بعدها بسنتين وانا في الثانوية ابتديت اكتب حجات عن الحب والصحاب وكده وابعتها لناس صحابي وحبوا كتباتي بس بداية اني ادخل في المجال الفعلي من سنة واحدة لاني كنت فاكر اني الواحيد الي مهتم بالكتابة وبيحبها لقيت في عالم تاني خالص
ما الدافع الذي يشجعك على الكتابة؟ و ما الذي يلهم قلمك؟
حجات كتير زي اشخاص من الي بشوفها في حياتي مواقف بتحصل قدامي حاجات من كده.
ماذا تعني لك الكتابة؟
كل حاجة دي الحاجة الي بحبها بشوف نفسي فيها بعبر بيها عن الي جوا كل بني ادم مش احمد السيسي بس.
ما هي طقوسك في الكتابة؟ و كيف تستحضر ذهنك لتبدأ في كتابة مقال أو خاطرة؟
اهم حاجه الهدوء الظلام كوباية القهوة اخلي دامغي صافية من اي حاجة بخرج كل المشاكل وكل حاجة موجودة فيها علشان اعرف اخرج افضل حاجة عندي في اي موضوع بكتب عنوا
ما المعوقات التي تواجهك أثناء الكتابة؟
كتير اوي ناس كتير من داخل الوسط ومن برة الوسط وحاجات تانية زي الي يقول انتا بتضيع وقت في حجات ملهاش لازمة والي يقول انتا هتبقي نجيب محفوظ بسخرية وحجات تانية كتير.
أود أن أرىٰ بعضًا من كتاباتك المميزة
الماضي
انتظر لحظه وتأني، واجلس وحيدا في هدوء تام، ثم خذ نفس عميق، واسترجع زكرايات من الماضي، وانظر الي الاشياء التي مرت عليك من سنين عمرك، وتمعن بها انظر الي الاشياء التي فعلتها بدون قصد او الأشياء التي فعلتها وندمت عليها وتمنيت لو يعود بك الزمان ولم تفعلها، وتخيل انك معك آلة من الزمن الي اي وقت تتمني ان يعود بك الزمن، الي اي وقت من الزمن سوف تعود، ولماذا؟ وماذا سوف تفعل إذا عاد بك الزمن وما هو الشئ الذي تريد ان تغيره وكيف سوف تغير هذا الشئ؟ لاكن انظر الي منظور آخر، انظر الي ان الله اختار لك هذا الشئ وهو يعلم جيد ويعلم اكثر منك ان الشئ الذي تريد ان تغيره هو الاصح، حتي لو كان هذا الشئ قبيح او دمر جزء من حياتك اعلم ان لولا هذا الشئ التي تراه انتا من وجهة نظرك ضارا بك، هو احد اسباب نجاحك في الحياة، وان الله لا يتختار لعبد من عباده شئ ضار بهم لكنه يريد ان يختبر قدرة عبادة وقوة صبرهم،
لذي لا تحاول ان تغير شئ في الماضي ولا تلوم نفسك علي ما اختاره الله لك، ولا تحاول ان تبقي محلك سر،ولا تحاول ان تعالج الخطأ بخطئ اكبر فقط اجتهد وانسي كل شئ يحدث في الماضي وتعلم منه وحاول الا تعيد الخطأ مرة اخري بل اجتهد علي تطوير نفسك والله معاك وسوف يوفقك ويعوضك عن كل هذا مهما كان الماضي.
احمد السيسي
الكتابة من المواهب الفطرية، هل تظن أنها من الممكن أن تكون موهبة مكتسبة؟
طبعا الكتابة موهبة بس بردو في نفس الوقت ممكن تكتسب لان ليها قواعد معينة ودراسات لو مشيت عليها تكتسبها زي كورة القدم في ناس موهوبة وفي ناس تانية مش موهوبة بس مع التدريب بتبقي قوية وبتثبت نفسها.
ما رأيك في هذه المقوله
( لتكون كاتب محترف يجب أن تكون قارئ جيد )
هل تظن أن هذه المقوله صحيحه أم أنه لا يوجد علاقة بين القراءة و الكتابة.
نعم في علاقة بين الاتنين بس بردو في ناس عندها الموهبة دي بالفطرة بس الناس الي بتتعلم علشان تكتسب الموهبة هما دول الي لازم يقرأوا علشان يتعلموا.
ما هي معايير الكاتب الناجح بنظرك؟
اهم حاجه الاسلوب وفن اخيتيار المواضيع مدي تأثير كلماتك ع الناس الخيال الواسع وفن اخيار الكلمات المؤثرة.
بعد مرور بضعٍ من الوقت في مجال الكتابة، هل ترىٰ أن لديك إنجازات تفتخر بها؟ و ما هي؟
اه طبعا شايف ان في ليا انجازات كتير ولسه في انجازات جاية اكتر.
زي اني متكرم من هيباتيا كافضل 100 شخصية في الوطن العربي وكمان افضل 100 مبدع عربي وكمان حاصل علي مركز تاني في مسابقة من المسابقات وكمان شهادة تقدير من رئاسة الجمهورية وعدد من الجوايز في الارتجالات والمسابقات.
هل لديك هدف تسعىٰ للوصول إليه في مجال الكتابة؟ و ما هو؟
طبعا ليا اهداف كتير وطموحات كبيرة جداً نفسي طبعاً اكون اهم كاتب في الوطن العربي ولو امكن العالم كمان بس علشان مكنش فيه مبالغة وبجد نفسي اسمي يكون في التاريخ اكون من الشخيصيات الي اثرت في الكتابة زي كتير من العظماء الي قبلنا وكمان اخد جائزة نوبل زي الاديب الكبير نجيب محفوظ.
من هو الشخص الذي يستحق أن تشكره لمساندتك في مسيرتك؟
ناس كتير طبعا مش عاوز انسي حد اهمهم والدي وولدتي، اخواتي،اولاد عمي، العيلة عندنا بشكل عام،صديق عمري حسام اشرف،وطبعاً بنت خالتي الشاعرة حنين السيد و خالتي مامت حنين الي لولاهم مكنش حد هيسمع عن احمد السيسي
وناس تانية كتير في الوسط بجد دول اكتر من اصحاب واخوات منهم الشاعر الكبير والاعلامي احمد الشريف (الخال) الكاتبة اية ياسر وجيه، الاعلامية حلا المنشاوي، الشاعرة والصحفية علياء صلاح، الشاعرة منة السيد، الكاتب احمد شاهين، الكاتب محمد المعداوي وناس تانية كتير مش عاوز انسي حد كلهم اخواتي واصحابي وعلي راسي
من هو الكاتب الذي تأثرت به و بكتاباته؟
ناس كتير منهم الكاتبة عليا صلاح "ماسة" ، الكاتبة والاعلامية حلا المنشاوي ، الشعار والاعلامي احمد الشريف ، الشاعرة امنية وليد ، الشاعرة حنين السيد ، الشاعرة منة السيد وناس تانية موهبة بلدنا ناس كتير موهبة علشان منساش حد بجد كلهم مبدعين.
ما النصائح التي تريد توجيهها للكتاب المبتدئين؟
ركزوا علي احلامكم متسمعوش كلام الناس الي بتحاول تهدكم ديما اعرف انكم اقوي من اي حاجة ومهما تسمعوا لازم تركزوا في الي بتعملوه حتي لو موضوع او مسابقة مش اتوفقت فيها الجاي افضل نمي نفسك وطور منها وانشاء الله هتوصل لحلمك.
ما هو تعليقك على هذا الحوار؟ و هل لديك كلمة تريد توجيهها للجريدة؟
حوار ممتع وجميل، وحابب اشكر جريدة موج علي دعمها المستمر للمواهب وانشاء الله نتقابل في لقاءات صحفية تانية كتير.
أسعدني هذا الحوار الجميل و أتمنى لهم المزيد و المزيد من التفوق و الإبداع.
_________________________
رئيس التحرير:- مِـحـمد يـعـقــوب
المحررة الصحفية:-ڪ/حبيبة احمد "أسيرة الروح"