حوار مع الكاتبة ابتسام صابر

 

كل شخص منا  له موهبه خاصه يتفوق على كل شئ بها 

_يسرنا جريدة موج الإخبارية بعمل حوار مع الكاتبة المبدعه_:- بسمه ربيع 

☆☆☆☆☆☆☆☆☆☆☆☆☆ 

الاسم :بسمه ربيع 

السن:-٢٢

المحافظه :-المنيا 

لقبك :مبحبش الالقاب 

{منذ متي بدأتِ في مجال الكتابة} :-

بدأت في مجال الكتابه وان كتاباتي تتنشر من سنتين لكن انا بكتب من عشر سنين تقريبا 

{ماهي إنجازاتكِ؟} :-

شاركت في تلات كتب ورقيه (أسري ملحمة الحب - خريف من الحروف - إيفلين) 

{من الذى كان يمثل لكِ الدعم في طريقك} :-

مش حد واحد اللي كان بيدعمني هما كانوا اكتر من شخص اولهم والدي و ووالدتي اختي واخويا وكمان اصحابي و خالتوا دكاتره في كليتي وكمان بنت خالتي. 

{هل ظهرت هذه الموهبه عندك منذ الصغر}:-

انا كنت بكتب من وانا في سن صغير ولكن ماظهرتش الموهبه دي الا في الجامعه 

{هل يوجد شيء لازلت تبحث عن تحقيقه} :-

في أشيائي كتير وأحلام عايزه احققها وبإذن الله اقدر احققها 

{كيف تعامل مع ضغوطات العمل }:-

في الاول كنت بقول لا واللي هو مش هكمل ولكن بعد كدا بقيت بشوفها تحدي لازم اخرج منه وانا كسبانه 

{نبذة عنك }:-

انا خريجة تربيه طفوله وكمان أخصائية تخاطب وتعديل سلوك و كاتبه كنت صحفيه في جريده لمده معينه معينه وبعدين بقيت عضوه في جريدة الروفان الالكترونيه، بحب القراية جدا وهي تعتبر جزء اساسي من يوم بحب الكتابه من الطفوله ولكن كانت بداية إني أظهرها للناس في الجامعه 

{ما هو آخر كتاب قراته }:-

هو كتاب مش متدول اوي اسمه (بَنات إيّران للكاتبة ناهيد رشْلانْ) 

وكمان كتاب (متلازمة دون للدكتور إبراهيم عبدالله فرج الزريقات ) 

{ما هو سبب اختيارك لهذا المجال بالتحديد}:-

بحس أن الكتابه عالم تاني جوا العالم اللي احنا فيه روح تانيه للإنسان الكتابه مش مجرد حروف بنكتبها لا دي حياة مجتمع بكل ما فيه 

{هل تفكر في تقديم كتاب جديد الفتره القادمه}:-

حابة الاول انمي الموهبه اكتر وبعدين افكر في موضوع الكتاب الجديد 

{كيف تقيم ما وصلت اليه حتى الان }:-

شايفه إني لسه على خط البدايه وأن الطريق محتاج صبر وسعي كتير وان المشوار محتاج مني اني اعافر اكتر علشان اوصل لخط النهايه 

{ما هي المقاومات العمل الناجح بالنسبه لك}:-

شايفه أن من أهم مقومات العمل الناجح أن الكاتب يكون مؤمن بالفكره اللي بيكتب عنها ويقدمها أن لازم يكون فعلا علي معرفه كافيه بالقضيه أو الموضوع اللي بيكتب عنه انه لازم يوصل لعقول القارئين ويعرف هما بيفضلوا ايه وبيفضلوه ازاي وبأي اسلوب انه كمان يقدر نفسه و موهبته ويقدر ان الموضوع لو مش هيفيد فبلاش يضر يكون على اطلاع دايما بكل جديد في مجال الكتابه وكمان يجيب حاجات تغير في القارئ للأحسن من غير ما يكون بيقدم النصيحة مباشره 

{كيف كشفتِ تلك الموهبه } :- 

بصراحة اللي اكتشف إنها موهبه مش مجرد كتابه كانت اختي وجهاد صحبتي و أية كانوا شايفين إنها موهبة لازم انميها واهتم بيها وإنها مش مجرد خربشات على ورق. 

{نبذة عن آخر عمل قمت به وهل حقق نجاح أم لا }:-

كتاب خواطر مجمع اسمه( اسري ملحمة الحب) تحت إشراف مبادرة لحن انين والحمدلله نجح في المعرض وفعلا كل الكتاب المشاركين فيه أصحاب موهبه رائعة 

{ماهي صفات الكاتب المثالي وما يجب أن تكون له من صفات} :-

أنه يكون مطلع وكمان عارف ظروف مجتمعه لأن لو عرف ظروف مجتمعه هيقدر يعرف عقلية القارئ محتاجه ايه بالظبط، يكون كتابته موافقة لرأيه وكمان عنده اقتناع بالفكره اللي بيقدمها، يكون مقتنع فعلا ان من خلال الكتابه يقدر يغير في مجتمعه للأحسن ولو بنسبة بسيطه يكون عنده إيمان بموهبته وواثق ان قلمه بيأدي رساله. 

{هل واجهتكِ صعوبات في المجال وكيف تخطيتها؟} :-

اه هو مفيش إنسان مش بيواجه صعوبة في طريقه لازم نواجه صعوبات علشان لما نوصل نحس فعلا بفرحة الوصول، وقدرت اتخطى كل المشاكل بدعم والدتي و ووالدي واختي واخويا دايما كانوا هما اول داعم ليا 

{كيف نميتىِ موهبتك }:-

كنت بحضر كورسات كتابة كتير وكمان كنت بسأل كتاب كتير واستفاد من خبرتهم وكنت بشارك في مسابقات كيانات وكنت بقرأ كتير جدا 

{من أكثر الشخصيات قدوة لكِ في مجال الكتابة }:-

دكتور حنان لاشين /دكتوره خولة حمدي /دكتور أحمد خالد توفيق 

{أين ترى نفسك بعد خمس سنوات}:-

كاتبة كبيرة و أخصائية احتياجات خاصه ومحاضر في مجال الطفوله و التربيه الخاصه 

{ماهو أفضل الاساليب لديكِ فى الكتابة}:-

بحب اكتب بأسلوب الفصحة المبسطة اللي هو يقدر يفهمه كل الناس وكل الأعمار 

{هل  لديكِ اى مواهب اخرى؟ }:-

الأشغال اليدويه ولكن بفضل موهبة الكتابه 

{من هو مثلكِ الاعلى }:-

والدي و والدتي 

{الكاتبه من المواهب الفطريه هل تظن ان من الممكن ان تكون موهبه مكتسبه؟ }:-

هي بتكون موجوده عند الانسان بس هو احيانا مش بيكون عارف بدأ لحد ما يبدأ يبحث في المجال ويقرا كتير ويقدر يكون افكار ويكتب ويمكن للسبب دا بيظن إنها مكتسبة، 

الكتابة فطرية ولكن تنميتها دا شيء مكتسب. 

{لتكون كاتب محترف يجب ان تكون قارئ جيد}[ هل تظن ان هذة المقوله صحيحه أم لا]

القراءة بتصنع عالم تاني وبتنمي لغة الكاتب وبتزيد من قاموسة اللغوي فعلشان كدا شايفه المقولة صح جدا 

:-

{ارينى شيء من كتاباتك}:-

"مِن هنا تحديدًا تبدأ حريتنا"

نعم، كانت البداية عندما سقطنا أول مرة ولم نجد تلك اليد التي نستند عليها؛ فأمسكنا بيدنا الثانية نشدُ بها من أزرنا، من هنا تحديدًا كانت البداية، بداية الحلم وبداية الحياة، بداية الأمل وبداية السعي، بدايةٌ جديدة لا تشبه أي بداية، وقتها فقط أدركت أنه لكي نبدأ يجب علينا أن نسقط، نحن من نختار أن نبقى في القاع، ونحن من نختار أيضًا الصعود للقمة، مازلت أتذكر كل انكسار مرَّ على حياتي؛ ليكون مشعل للنور فيما بعد، ويخط سطور رحلتي بأحرف من ذهب؛ ليعلم الجميع حينها أن السقوط ليس النهاية، بل هو تحديدًا بداية لنجاحٍ عظيم. 

لِـ بسمة ربيع. 

  

{كلمنا عن خططكِ المستقبلية وما تريد تحقيقه} :-

في أحلام كثيرة وخطط كثيره ولكن سوف اتحدث عنها عند الوصول إليها 

{كلمة تريدِ توجيهها للجيل القادم نحو الكتابة}:-

الكتابة قادرة تصلح في مجتمع قل فيه الإصلاح قلمك هو السلاح الوحيد اللي بينتصر بدون سفك للدماء الكتابه بتبني جيل وبتغير في مستقبل أمه خلي لقلمك رساله وخلي عندك إيمان برسالة قلمك واكيد بعد السعي والتعب هيكون حتمية الوصول 

{كلمه تريدِ قولها لنختتم بها الحوار وما رايكِ فى الجريده؟} :-

لكل واحد فينا رساله مش بس للكاتب وكل واحد فينا مخلوق لغاية دور جواك وحواليك وشوف الغاية اللي ربنا خلقك ليها. الجريده فعلا متميزة وبتمني ليكم مزيد من التقدم والنجاح ودايما تكون دعم للمواهب. 

__________________________

رئيس التحرير:- محمد يعقوب

المحررة الصحفية:- أمنية اسامه شلبى " كاتبه الظلام 

☆☆☆☆☆☆☆☆☆☆☆☆☆

تعديل المقال