تتشرف جريدة موج الاخبارية بعمل حوار صحفي مع كاتبة مبدعة رائعة حقًا تستحق كل التقدير والدعم.
الكاتبة والمحررة:-أزهار بدر "الزهرة الحزينة"
الاسم:- أسماء رمضان
اللقب:- الحلم المتنائي
السن:- 16
المحافظة:- الجيزه
الموهبة:- كاتبه
- كيف بدأتِ في هذا المجال؟
= بدأت اني كنت بحب الكتابه جدا وكنت حاسه اني جوايا موهبه بس مكنتش عارفه ابدا ازاي لغايه لما لقيت كاتبه زميلتي هتبدأ تعلم فا دخلت معاها وخد كورسات وبدأت اول الخط اني عملت كتب الكترونيه منها جزر الواحده ليلا وكذا كتاب لغايه لما حسيت اني لازم انزل ارض الواقع وعملت كتاب مجمع ضجيج وبدأت المسيره
- متي بدأتِ في هذا المجال؟
= من سنه بالظبط وحقيقي كانت كلها إنجازات الحمد لله
- كيف اكتشفتِ موهبتك؟
=بفضل الله كنت بحب القراءه جدا وكنت بلاقي اني عندي أفكار كتير في دماغي وبكون عايزه اكتبها بس مش عارفه المفروض اكتبها ازاي ولا منين وساعتها حسيت اني جوايا كلام عايزه اكتبه وان دي ممكن تكون موهبتي لغايه لما لقيت الكاتبة شهد عبد الفتاح زميلتي وبدأت معاها المشوار ومن هنا عرفت ان دي موهبتي
-دائمًا في طريقك تجدي شخص يشجعك علي تكملة طريقك، من هو أول من شجعك علي تكملة الطريق؟
= اهلي اكتر ناس وافقت جنبي حقيقي وكانوا يشجعوني كل لما كنت اكتب حاجه جديده كانوا يفضلوا يمدحوا فيها وماما الصراحه اكتر واحده بتدعمني وتكون فرحانه
- كيف تنمي موهبتك؟
= بقرأ كتب كتير عشان اتقن اللغه العربيه في الكتابه وباخد كورسات على قد ما اقدر عشان اجدد من نفسي لان الطبيعي الإنسان لو كويس لازم يطور من نفسه كل حين واخر عشان يجدد ويطور معلوماته بشكل احسن
-الكل يكون لديه أمنية يتمني أن تتحقق، ما هي أمنيتك في المستقبل؟
= اتمنى اني أهمل كتب فرديه كتير وان الناس تقرأها وتعرف موهبتي واكون كاتبه كبيره حقيقي ده حلم من أحلامي
- من هو الداعم الرئيسي لكِ؟
= اهلي واكتر حد ماما
- من هو المثل الأعلي لكِ ؟
= الكاتب محمود درويش والأستاذ إيهاب فكري وغيرهم من الكتاب العظماء بس دول بحب اقرئلهم جدا
-كلنا نقابل صعوبات في طريقنا، هل تعرضتي أيضًا للإحباط من قبل؟
= اكيد لازم لكل إنسان ناجح تقابله صعوبات حتا لو هو لسه في أول المشوار موصلش للقمه بيحبطوه في أول طريقي حد قالي مش تكملي وده حماس في الأول بس وبعد كده هتلاقي انك مش عندك الموهبه وانك فاشله وحد تأتي قالي الكتابه دي اصلا مش موهبه واي حد يقدر يكتب وغيرهم كتير بس انا مش بنصت ليهم لاني كنت واثقه في نفسي وفي موهبتي
- كيف واجهتي هذا الإحباط؟
= زي ما قولت ما انصتش ليهم لاني واثقه اني موهوبه ومتقنه ان كل واحد عنده موهبه وبيكتشفها وانا اكتشفتها ومش هسيب شويه ناس مرضى عقلين يحبطوني وبدل ما اكون في القمه ابقا في القاع لا انا كملت وأثبت نفسي ولسه هكمل دي مجرد إنجازات صغيره جدا هثبت نفسي في إنجازات اكبر بإذن الله وهخلي المجال كله يحكي عني
- ما هي إنجازاتِك في هذا المجال؟
= بفضل الله عملت خمس كتب الكترونيه في أول مشواري وبعدين عملت كتابين مجمع ضجيج وحبر حر ودخلت في مسابقه افضل كاتب سنه 2023 وخد مركز تاني الحمد الله وفيه تكريم الحفله دي فضلوا يمدحوا فيا وفي كتاباتي وقد اي انا بكتب بطريقه مختلفه وجميله تجذب القارئ وعملت حوار صحفي على أرض الواقع وأربعه الكتروني الحمد لله ولسه في إنجازات كتيرة زي ما قولت دي مجرد إنجازات صغيره
- كلٌ منا يأتي عليه وقت يتملك منه الإحباط ويفكر أن يترك المجال، هل فكرتي في ذلك من قبل؟
= الصراحه اه وكان لسه من فتره صغيره جدا بس اكتشفت ان دي لسه مجرد بدايه ليا ازاي همشي كده وانا بدأت أحقق هدف اكبر وكذا حد من أصدقائي نصحني اني مسبش المجال لان كتاباتي جميله واكيد هيجي يوم والناس هتقرأهم وانها مجرد بدايه مينفعش استسلم النجاح مش بيجي بسرعه لا ده بيجي بعد وقت من التعب والمعاناه في انك توصلي للمرحله دي من النجاح
- ما هي نصيحتك للمبتدئين في هذا المجال؟
=طلاما اكتشفت موهبتك امسك فيها وكمل وخليك واثق في نفسك وفي كتاباتك متخليش حد يخبط َتفتكر دايما ان اللي بيحبطك شايفك احسن منه وعايزك في القاع زيه فا انت متسبهوش يحقق هدفه في كده لا استمر وحقق هدفك انت
- ما رأيك ف الجريدة؟
=جميله جدا وبجد شكرا للجريده على الحوار الجميل ده اتشرفت جدا
- نختم الحوار بشئ من إبداع الكاتبة المبدعة:-
=هل نسيتك؟
هل تخطيت حبك؟
لا أعرف حقًا أشاهد ما تقوم بفعله وأحيانًا أشعر بالغيرة الإشتياق إليك، وأحيانًا أخرى لا شعور لدي أتجاهك، لا أعرف هل مازلتُ أحبك؟.. أم أعاند وأكابر في مشاعري، حقًا لا أعرف بماذا أشعر ولم أعد أصدق شعوري، ما أعرفه أني أريد أن أتخطى كل هذه الدوشة التي بداخلي وأتخلص من صراع قلبي وعقلي وأنساك.
گ/أسماء رمضان.
انتهي حوارنا اليوم مع كاتبتنا المبدعة ونتمني لها دوام التفوق والنجاح
#المحررة الصحفية/ أزهار بدر
#مؤسس الجريدة/محمد يعقوب