كما عودناكم أعزائي القُراء في "جريدة موج الإخبارية" بشخصياتٍ أبدعت في مجالها، واليوم شخصيتنا إرتبط إسمها بالنجاح، والإنجازات؛ وسوف نقوم بالتعرف عليها.
ونبدأ الحوار، ونتمنى لكم قراءة مُثمرة.
《الاسم》 :- نسمه محمد حجازي
《السن》 :- 17
《المحافظة》 :- الدقهلية
《لقبك》 :- معنديش لقب بس كان عندي اسمي مستعار. (neno)
《س/ متي، وكيف كانت بدايتك في مجال الرسم ؟ 》.
من وانا طفله بس مكنتش بدايه مشجعه والله في ابتدئي كان المدرسه منحازه لحد كنت اما اقولها بصي رسمي تقولي امشي واي القرف دا بس عادي كطفله زعلت ومخدتش في بالي بعدين في اعدادي كان مدرس الرسم مشجع بس انا مكنتش مهتمه برسم علشان زهقانه المهممم جت فتره كرونا مبقتش ارسم الا لما ازعل وبعدين بدايه السنه الدراسيه الي فاتت بدات اهتم بالرسم رغم انه مش الاهتمام الكامل بس بحاول
《س/ مَن قدم لكي الدعم في بداية مشوارك؟ 》.
ماما ربنا يخليهالي وصحباتي شجعوني كتير
⟨⟨س /ماهو سبب اختيارك لهذا المجال بالتحديد⟩⟩
لقيت نفسي فيه.. زي ما تقولي كدا عالم خاص بيا ممكن ارسم اي حاجه في خيالي بسرح باخد وقتي بفصل من الحياة
⟨⟨س/ كيف تقيم ما وصلتى إليه حتى الآن ⟩⟩
مبتدأ لسه واقف علي رجليه ربنا يقدرني وامشي كتير
⟨⟨كيف كشفتى تلك الموهبه ⟩⟩.
كنت برسم عادي لقيت صحابي والناس معجبين برسمي وفيما بعد مدرسين الرسم قالوا اني موهوبه
《س/ جميعنا نواجه مصاعب، وإنتقادات في بداية شغلنا، ما المصاعب والانتقادات التى واجهتك؟ 》.
تعليقات كتيره يعني مثلا بعد رسمه خدت وقت ومجهود كبير ببقى مستنيه اسمع تعليق ايجابي الاقي حد حرفيا عمره ما رسم ويقولي تعليقات وبعدين لا مش حلوه لا مش احسن حاجه
واكتر حاجه سلبيه قصرت فيا كطفله المدرسه قالتلي اي واخد اسمك من ضمن الي رسمهم حلو لي رسمك وحش امشي من وشي
المصاعب بقى اني ارسم حاجه متطلعش بالنتيجه الي انا عايزاها رسمه تبوظ باي سبب رغم انها كانت حلوه
بشوف مستويات تجنن بحس لا انا ناقصني كتير كتير اوي لسه دا مش مستوى بحس الي هو انا لسه موصلتش لاني ابقى رسامه
《س/ من مثلك الأعلى؟ 》.
مش عارفه اقول اي بس مفيش
⟨⟨س / أين ترى نفسك بعد خمس سنوات من الآن ⟩⟩
عندي ورشه رسم بعلم فيها وليا اسم ومعروفه 🥹يارب
《س/ ما رأيك في مقوله إن المبدع المتميز هو الذي يعبر عن الجمال ؟ 》.
اتفق معاها جدا اي مبدع بينتج جمال
《س/ ما هو شعورك عند الرسم ؟ 》 عارفه لما تحسي فعلا انك في المكان الصح بتعملي حاجه انتي عايزاه وحبها وممكن لست ساعات متواصله متوقفيش شعور لطيف والله وبالذات اما الاقي نتيجه مرضيه
《س/ هل فكرتي بممارسة موهبة أخرى بجانب الرسم؟ 》.
اه بحب اكتب عبارات ومرتين بدات في روايتين ومكملتش وحاليا بمثل هعمل حاجه ان شاء الله وبيقولوا ان صوتي حلو
《س/ ماذا يمنحك الرسم من إحساس؟ 》. كان في فتره مكنتش برسم فيها الا لما بكون زعلانه اوي بحس اني مبسوطه وانا برسم الحاجه الوحيده الي ممكن اركز فيها اوي وبالساعات هي الرسم ومش هزهق
《س/ ماذا سيكون ردك إن طلب منك رسام مبتديء المساعدة ؟ 》
🥹والله بعرض عليهم المساعده قبل ما يطلبوا بس بقولهم ديما الي هو شوفوا فيديوهات تعلميه من حد متخرج من فنون جميله او درس الرسم بشكل اكاديمي
《س/ ما صفات الرسام المثالي في وجهة نظرك؟ 》.
رسام مثالي؟ اممم اقدر اقول رسام يقدر ينقل اي حاجه بكل تفاصليها كائنها حقيقه ورسمام عنده خيال بيرسم من خياله مش كل الرسمين بيرسموا من خيالهم
《س/ هل يوجد لديك مواهب أخرى؟ 》. بكتب وحاليا بحضر حاجه همثلها وبحب اغني
《س/ هل حققتي إنجازات في هذا المجال؟ 》. انجاز حساها كلمه كبيره بس بالنسبه لي الانجاز ان اخلص رسمه واكون مقتنعه بيها
《س/ هل تقدمتي لخطوة النشر الإلكتروني؟ 》.
ايوا وبحب اسمع اراء الناس جدا
بس مش بحب اسمع تعليقات من حد مش بيرسم زي مثلت ليه العين دي رموشها قصيره حجات غريبه بجد
《س/ هل يمكنك أن تحدثينا عن خططك المستقبلية؟ 》.
حاليا وبعدين عايزه اتطور عايزه مع كل رسمه اتطور خطوه
《س/ هل تفكرين في الانعزال عن مجال الرسم في يوم من الايام؟ 》.
انعزلت كتير وكتير اوي بس رجعت هو مش بفكر بس لو حصل وانعزلت متأكده اني هرجع تاني
《س/ هل تريدين توجيه كلمه لمن قرر الانعزال بسبب الاحباط والتناقد، وما نصحيتك لتخطي هذا
الامر؟ 》
هقول ان الرسم مش محتاج موهبه الرسم محتاج انك تحبه مش اكتر لو حبيته مش هتسيبه الرسم بيتطور بالمجهود والتدريب لو مفيش موهبه اصلا لو اول مره يمسك قلم وقال عايز ارسم هيرسم بس يكمل مفيش بدايه حلوه انا بداياتي كانت وحشه جدا بس كملت ولسه مش احسن حاجه ومكمله وهكمل الي عايز يعمل حاجه فعلا هيكمل مش هيهتم لكلام الناس ولو مهتم فيتدرب اكتر ويثبت فعلا انهم كانوا غلط لما حكموا عليه من الاول
《س/ هل يمكننا رؤية شيء من إبداعاتك؟ 》.
اكيد
《س/ وفي نهاية هذا الحوار هل تريدين توجيه كلمه للجريدة؟ 》
ليا الشرف بجد اني عملت المقابله
وفرحانه اوي بجد اني عملت المقابله مع الكاتبه اللطيفه امنيه
وفي الختام نرجو أن نكون أسعدنا حضراتكم، ونتمنى لكم جزيل الشكر، والاحترام.
رئيس التحرير: محمد يعقوب
المحررة الصحفية: أمنية اسامه شلبى كاتبه الظلام