حوار مع الكاتبة ابتسام صابر

 تُسَر جريدة موج الإخبارية بعمل حوار مع الكاتب المبدع

الأسم إسلام عاشور 

اللقب شاعرجي 

السن 21 سنة

الموهبة. شاعر عامية مصرية وكاتب 

المحافظة. القليوبية

منذ متي وأنت فِـ هذا المجال :

من حوالي 6 سنوات 

ما هي إنجازاتگ منذ دخولگ الوسط:

مركز خامس علي مستوي جامعة بنها 

والمشاركة ف العديد من الحفلات والندوات ف الربع الثقافي

كيف بدئت ف هذا المجال:

بدأت بكتابة ابيات شعر بسيطة بقصائد بسيطة حتي تطور الامر ووصلت لمستواي الحالي

هل واجهت صعوبات فـي هذا المجال وإذا واجهت فكيف تخطيتيها:

 

الصعوبة هي وجود اشخاص لا تنتمي للشعراء بسئ وتقوم بتدنيس معني الشعر وقيمته والمشكلة الاكبر ان الوسط يعتبرهم شعراء ويحدث حولهم ضجة لكن هم لا ينتمون إلي الشعر بشئ. ولم اوجه هذه المشكلة لكن انسحبت من جميع الكيانات والمؤسسات إلا القليل 

من الداعم لك:

اهلي واقرب اصدقائي 

من قدوتگ في ذا المجال :

عمرو حسن والابنودي ومحمود درويش وصلاح جاهين وفؤاد حداد و احمد فؤاد نجم 

ما هي خططك المستقبلية :

التطور والتطور ف المستوي حتي يظهر عنوان ف كل صحف مصر. "ظهور عمرو حسن جديد في مصر"

إلي من تقدم الشكر :

إلي اهلي واقرب اصدقائي ونفسي ومثلي الاعلي

شئ من موهبتگ :

نص بعنوان 

30 فبراير

اشب واطول السحاب

ونا قلبي مادد الجدر لسابع ارض

يارب وهبتني الحب

ووهبت قلبها الصد

يا تحنن قلبها عليا

يا هكسر قلبي ب ايديا

واعلن فحياتي الحرب

واهرب من اللمة

واتحجج واقول تعبان

ونا اصلا هربنا من وجعي

وفيا هم الدنيا وزعلان

وبموت نفسي بالبطيق

قهوة وسهر وتفكير ذايد

ونا فبحر حزني غريق

وحشاني 

اه بقولها وم مكسوف

لكن مينفعش إننا نرجع

ل افعال كانت بتكسرنا بالجامد

نا متعودتش ولا قادر اتحمل

لكن صابر ع البلاء وحامد 

لجل ألقي عوضي من تاني

وحشاني

وبعلن حداد علي غيابك 

لحد ما تعودي

انا كنت فوجودك جبل 

دلوقتي مكسور عودي

خيرتك بين خيارين

اختارتي الحل التالت

هنتقابل اكيد لازم

يوم 30فبراير

او يمكن اليوم 366 ف السنة

او جايز الساعة 24:59 دقيقة

اه حقيقة 

هنتقابل 

واشوف بنتك ماسكة ف ايديكي

ف نفس المكان اللي حبيناه

واشوف ايدك وهيا بتضم 

اسمنا ع الدسك اللي كتبناه

واشوف نفسي ببص من بعيد

وكسرت نفسي قتلاني

اه وحشاني

بس عمري ما هقرب 

ولا هرمي السلام

نا لسه ف شغلنتي البسيطة

بقبض الكلم ملطوش وحامد 

مجبتش الشقة ولاعربيتنا

وعلي قد حالي زي مانا

يمكن خسيت حبتين

وتملي شكلي كبير

معملتش لا صاحب ولا اتنين

ولا حتى فحياتي تغييير

كل حاجة ماشية طبيعي 

إلا غيابك

فهمتك حياتي وظروفي

وقلت علي قلقي وخوفي

وقلت شاري لو وصل الدهب مليون

وقلت هشيلك جوا العيون

وقلتي موافقة وراضية

واول ما جت فرصة 

اخترتي الكل إلاي 

بقيت كسر جديد ف الناي

يعمل اللحن الحزين

انا مكنتش الخضر ولا خرقت السفينة

نا كنت المودة والرحمة والسكينة

وانتي كنتي الجرح والفراق والسكّينة  

وبوظتي صورتنا بشق

لا قلتلك فهميني ليه قتلتي الغلام 

ولا ليه بنيتي جدار المساكين

نا كنت طوعك اقول امين

وعمري فمرة ما قلت لا

الحب دا حبيته

الجدار بينا هديته

واشتريت وقلت تنوري

الجرح دا لقيته 

والقلب ايوا لميته

وانتي عمالة تكسري

واقول قلبي ازاز

م مستحمل كلمة وحشة

ولا عند واستفزاز

اطلب اهتمامي بنفسي

وتستخسري الاهتمام فيا

لما اموت متذكريش محاسني

متقوليش بعد الشر 

ياكل المر وكل الشر 

مسير القطر هيعدي 

وياخد روحي وياه

انا ميت من زمان اصلا

ناقص علي شهادة الوفاة

مت الف مرة وانتي بتكسريني

مت الف مرة ونا بكتب وحشتيني

مت لما اخترتي الكل إلاي 

وسبتي عود الناي وكسرتيني

لو كان الهجر علاج يرضيكي 

 وانا كل املي ف الحياة

اطيب خاطرك وارضيكي 

ف هسيك تبعدي واتراضي

وملهاش رجوع المرادي

ياست البعد والخذلان

بعدك هعيش ف امان

وهلقي الف مكان يساعني

هلقي الف ليل يسمعني

لكن م عارف اروح فين

اسيب الحدود والنيل والبحرين

واهج بروحي ماعرف فين

داقت عليا يارب وعندك المتسع

دلني علي طريقي واخرجني من توهتي

نا محتاجك يارب 

ومحتاج فوجودك راحتي

عبدك مخذول وفقلبه حزن مغذول 

وتوهان ف الدنيا الواسعة 

الموت بيختار ناس كتير حوالينا 

ولو كان الموت ب ايدينا

كنا سالنا ربنا واترجينا

نكون الاوائل ف الكشف

نا عشت اليوم 

اللي من كتر الوجع يتحس الف

 حياتي شريط ونازل السف

اسالو اللي عدو فحياتي ايام

اسالو الجرح والخذلان

ليه انا دونن عن المخاليق

اكون قاعد ع الشط 

يجبوني من نص البحر غريق

ليه لما هموت 

م هلقي لمة علي قبري 

ولا هلقي حد يواسي امي

ولا حتي هيحسوا غيابي

صاحب الكل وحيد

ونا اصلا وحيد وقافل بابي

ومضلم الاوضة ومولع السهراية

وبسال سؤال لشخص م نا ف المراية 

هل كل الخذلان دا ليا

كل الشوق مخلوق علشاني

ليه مكانتش ديمالي

تعبت والتعب كان فيا

وما يضحك شر البلية

لسه برغم جمال الاغنية

وصوتها العذب فوداني

إلا ان الغياب مأثرش

ولسه وحشاني

فيارب

 لو فاضل دقايق فالعمر علشاني

بتمني اشوفها لثواني

واملي العيون اللي دبلت من البكي

بجمالها قبل ما اموت

يارب مجمعتناش فدنينك 

جمعنا سوا ف جنتك

واجعل الحور العين ليا

وحشاني برغم اللي صابني

وبرغم ان الوجع كله ليا

وحشاني

يا سواد النهار ف ايامي

يا ضحكتي ودمعتي وإدماني

يادنيتي والكون اللي كان علشاني

مستحيل إننا نرجع ايوااا

لكن وحشاني

وحشاني

حكمه تؤمن بها ؟

ليست حكمة ولكن حديث نبوي 

قال صل الله عليه وسلم 

رحم الله أمرئ عرف قدر نفسه 

صدق رسول الله صل الله عليه 

هل لديگ مواهب أخري :

نعم

الايدت وال

منتاج والتصوير ولكن كلهم كـ هواية 

كلمه نختم بها الحوار :

هتكلم عامي هنا..

م كل من كتب كلام مقفي وفيه نغمة شاعر 

وم كل من جاب حوار صحفي مع ال قصيدة لحد مشهور وعدل فيها ونسبها ليه شاعر 

ارحموا الشعر من تدنيسكم

ما رأيك في الجريدة:

جريدة ممتازة ولها شأن كبير ف القريب العاجل

مؤسس الجريدة :محمد يعقوب 

المحررة الصحفيه :نور عبدالغني المناخلي .

تعديل المقال