ملاك الادهم
الفصل الثالث♡♡
تاني يوم ...
ادهم : صباح الخير ياملك
ملك : انا ...
ادهم : طبعا انتي ...
ملك : أيوة كويسة
ادهم: هههههههه بقولك صباح الخير
ملك : اسفة .... صباح النور
ادهم : طب بصي .... ممكن تبطلي كلمة انا اسفة دي ... ايه رايك نكون اصحاب
ملك بصدمة : نكون ايه !!
ادهم : نكون اصحاب ... يعني انتي تحكيلي كل حاجة وانا كمان احكيلك .... ايه رايك
ملك: يعني انا اي حاجة عايزة احكيها احكهالك
ادهم : أيوة ...
ملك بسعادة : يعني انا مش بقيت لوحدي خلاص
ادهم : لا يا ستي انا معاكي ....
ملك : انا مش مصدقة .... وااااو
" كانت بتتنطط زي طفل صغير الي جاله لعبة .... وفجاة حضنتني .... استغربت قربها مني ... بس مكنتش كارهه مش عارف احساسي وقتها كان ايه ... بس فرحت اني دخلت السعادة على قلبها .... هى فعلا تستاهل الفرح مش الحزن ... تستاهل الامان مش الخوف والجبن ...."
ملك بدموع فرحة : انا مش مصدقة نفسي انا كنت عارفة انك مش زيهم ... كنت عارفة .... انا كان نفسي يبقى عندي أصحاب ...
" كنت فرحانة اني في حضنه اوي ... حسيت بأمان ... بس خوفت يكون اتضايق من قربي منه ... فبعدت عنه بسرعة"
ملك بخوف : انا ... انا اسفة
ادهم : خايفة ليه ....
ملك : مش خايفة ... انا اسفة والله من الفرحة بس غصب عني ....مش تزعل
ادهم : بس انا مش زعلان
ملك : بجد ...
ادهم : أيوة مش زعلان ... ممكن اكل بقى ....
ملك : حالا ....
ادهم : ملك ... كنت عايز اقولك اني هنزل الشركة من بكرة ...
ملك بحزن : يعني هتمشي ...
ادهم : مانا مش هفضل قاعد في البيت ... هناكل منين
ملك بتلقائية : مش مهم ناكل ...
ادهم : هههههههههه ... انتي طبيعية بجد
ملك : انا اسفة والله ... انا غبية اصلا ... بس اصلي بخاف
ادهم : طب بمناسبة الخوف ... ممكن تبطلي تخافي ... طول مانا موجود جنبك متخافيش من اي حد ...
ملك : مهو ...
ادهم : مهو ايه بس ... وبعدين مفيش حد هنا غيري انا وانتي ... وفي البيت تحت ... ماما وسما وبابا .... عايزة تنزلي تقعدي معاهم في اي وقت انزلي ... انتي بتخافي من ماما ...
ملك : لا انا بحبها اوي .... هى عمرها مزعلتني وسيمو وبابا مصطفى ....
ادهم : خلاص متخافيش ...
ملك : ماشي ....
ادهم : يلا بقى جعان ... ولا ازعق تاني
ملك بسرعة : لا لا مانت حلو اهو .... مش تزعق وانا هحضر الفطار بسرعة ...
ادهم : شطورة يا صغنن ....
ملك : هههههههه انا كبيرة يا ادهم
" ضحكت .... وضحكتها كانت حلو اوي ... خدت عهد على نفسي اني اكون سبب في فرحتها ... مرت الايام وكنت بروح الشغل وارجع متاخر .... بس كل مرة كانت بتحصل حاجة غريبة .... كنت اول موصل على باب البيت ملك تفتح من غير مدق على الباب .... اتعمدت المرة دي اني مطلعش اي صوت ... كنت طالع على السلم زي الحرامي اللي خايف حد يسمع صوت خطواته ....."
ملك وهى بتفتح الباب : ادهم انت جيت ....
ادهم بصدمة : انتي عرفتي منين اني جيت ...
ملك بتوتر : لا هو يعني عادي ....
ادهم : لا مش عادي كل مرة انتي بتفتحي الباب من غير مخبط حتي ....
ملك : مهو ... أيوة ... سيمو بتقولي ...
ادهم : ينفع تكذبي ...
ملك بخوف : لا مش هكذب انا اسفة والله ....
ادهم : انتي خايفة من ايه ...
ملك بدموع وخوف: انا اسفة مش هكذب تاني .... اسفة
" كالعادة طلعت تجري .... مش عارف اعمل معاها ايه علشان تبطل خوف .... انا تعبت منها ..... حاولت اكون صاحبها علشان تبطل تخاف بس بردو بتخاف ...."
_______________________
بليل في غرفة ادهم
ادهم بهدوء : انا جيت احكيلك تاني .... انت قولت أننا نبقى أصحاب واحكيلك بس انا لسه بخاف ... خايفة ترجع تزعقلي او تضربني ... انت عارف انا كذبت عليك فعلا ... سيمو مش قالتلي حاجة ... انا بحس بيك يا ادهم ... انت اماني ... لما بتبعد بخاف ... اول محس بامان بعرف انك رجعت .... انا بفضل طول اليوم خايفة برغم وجود سما وماما فاطمة وبابا مصطفى ... بس بستناك ترجع ... بدور عليك .... انا خوفت لما قولت اني كذبت لان في يوم كانت جارتنا تعبانة اوي .... وانا روحت اشوفها ...
فلااااااااش باك
سناء : ااااااه ....
ملك : خالتو سناء ... انتي كويسة
سناء : لا ياملك تعبانة اوي ....
ملك : انتي سخنة اوي ... انتي لازمك كمادات ..
سناء : روحي انتي يا حبيبتي سعاد هتزعقلك ...
ملك : انا مستحيل اسيبك ....
" برغم خوفي الكبير من ماما سعاد إلا أن مقدرتش اسيب خالتو سناء ... كانت محتاجاني ... ازاي اسيبها.... انا هفضل معاها واللي يحصل يحصل ..... "
بعد اربع ساعات ....
ملك : خالتو سناء انتي الحمد لله كويسة دلوقتي ... وحرارتك نزلت كمان .... انا عملتلك شوربة خضار اشربيها تمام ... انا هبقى اسال عليكي ...
سناء : شكرا يا حبيبتي .... كتر الف خيرك ... ربنا يسعدك يارب ...
" كنت فرحانة من دعوتها ... انا فعلا محتاجة السعادة .... بس برغم السعادة دي إلا أن خوفي كان أكبر .... "
سعاد : انتي جيتي يا مقصوفة الرقبة
ملك : .........
سعاد : متردي يا بت كنتي بتصيعي فين ....انطقي ....
" وقتها مسكتني وفضلت تضربني ... بابا مكنش موجود يحوش عني .... فضلت اصرخ ممكن قلبها يحن بس لا ... تقريبا مش عندها قلب ...."
سعاد : كنتي فين انطقي
ملك : والله كنت عند خالتو سناء كانت تعبانة ...
سعاد : كدابة ....
ملك : والله مش بكذب ... والله كنت عندها
سعاد : اخرصي يا قليلة الادب تلاقيكي كنتي ماشية مع ولد ولا بتصيعي ... وكمان معملتيش الاكل .... انتي نهارك اسود ....
ملك : والله مش بكذب. ..
" فضلت تضربني لحد مأغمى عليا .... صحيت يومها بليل من وجع جسمي لقيت جسمي كله ازرق ووشي وارم من الضرب .... سمعتها وهي بتقول لبابا اني كنت ماشية مع كريم ابن الجيران ... وبابا كان عايز يرجع يضربني بس هى رفضت ... تقريبا مش كانت عايزاه يشوف شكلي والضرب دا .... او خايفة اني اقوله الحقيقة .... باااااااااااااااااك
ملك ببكاء : فضلت العلامات دي على جسمي اكتر من شهر وأثرها لسه موجود معايا .... كنت بشتغل في البيت برغم وجع جسمي .... مكنتش بخرج من البيت .... وبابا صدقها ومكنش بيكلمني ... انت سألتني مرة وقولتلي انتي بتكلي لوحدك ... أيوة يا ادهم كنت باكل لوحدي .... دايما كنت باكل لوحدي ... بعمل الاكل واقعد في المطبخ اكل ... اليوم اللي بابا يسأل عني فيه تقوله كلت وبتذاكر ... اوقات كتير مكنتش باكل .... كنت بزهق من كتر مانا باكل لوحدي .... كتير كنت بتمنى بابا يجي يقولي تعالي كلي معانا .... بس انا زعلانة منك يا ادهم .... قولتلي انك هتاكل معايا بعد كدا ... بس انت بتروح الشركة ولما بستناك انت بتقولي انك اكلت برة .... انا كل يوم بعمل الاكل واستناك وانت مش بتاكل معايا وبرجع اشيل الاكل تاني من غير ماكل ... شوفت بقى ... انت كدا وحش يا ادهم والصغنن زعلان منك كتير خالص .... ومش هكلمك تاني ... بس هحس بيك لما ترجع من الشركة وانا اللي افتحلك الباب زي كل يوم .... شكرا يا ادهم ... شكرا انك نايم علشان اقدر احكي .... نفسي في يوم احكيلك كل دا وانت صاحي وتخدني في حضنك وتطبطب عليا وتطمني بس مش هقدر ... مش هقدر احكيلك ... تصبح على جنة يا ادهم
___________________________
تاني يوم ....
" لأول مرة اصحي متاخر كدا ... كنت كل مرة بصحى قبل ادهم علشان اعمله الفطار قبل ميروح الشركة ... بس شميت ريحة اكل.... روحت للمطبخ تلقائي ..."
ملك : ادهم بتعمل ايه
" كان لابسة مريلة المطبخ وبيعمل اوملت ...."
ادهم : انا بعمل اوملت انما ايه حكاية كنت عايش عليه في امريكا .... حبيت ادوقهولك ....
" خوفت ليكون سمعني امبارح .... خوفت جدا ... بس كلمته طمنتني...."
ادهم : بصراحة حبيت اعتذرلك عن امبارح ... انا اسف ...
ملك : اممممم ... البشمهندس ادهم بيقول اسف ...
ادهم : شوفتي ... واضح انك عدوة ...
ملك : اسفة والله
ادهم : انتي تعرفي كلمة تانية غير اسفة يا ملك يا حبيبتي
ملك : يا ايه ..
ادهم : احم احم ...مش عايزة تدوقي الأوملت
ملك : هدوق ماشي .... الله جميل اوي ....
ادهم : بتكذبي ...
ملك بخوف : لا والله مش بكذب
ادهم: خلاص خلاص ... اهدي انتي مش بتكذبي
ملك : أيوة انا مش بكذب
ادهم : وانا مصدقك ... البيض حلو
ملك : جدا ....
ادهم : خلاص هعملك على طول ...
ملك : انت اللي هتعمل ...
ادهم : أيوة ... كل فترة هعملك تمام ....
ملك : تمام ...
ادهم : أيوة في حاجة كمان ... ومن غير متخافي حاجة حلوة ... بصراحة اكل الشركة وحش اوي ... وانا بطني وجعتني منه ... فبعد كدا انا هصبر شوية وارجع اكل في البيت .... لو بتكلي بدري كلي انتي وانا لما ارجع هاكل تمام ...
ملك بسعادة : لا هستناك ... انا اصل مش ...
ادهم: مش ايه ...
ملك : ايه ... مش مهم خلاص ... انا هحضر الاكل واستناك تمام....
ادهم : هتفتحيلي الباب ....
ملك بخجل : هفتحلك الباب ...
ادهم بمكر : أيوة خلي سما تقولك وافتحيلي اول ماجي
علشان ايدي بتوجعني لما بخبط على الباب .....
ملك : احم .... حاضر ... ماشي
_______________________
في شقة الحاج مصطفى
فاطمة : بت يا سما ... انتي يا آخرة صبري
سما : نعم يا ماما ....
فاطمة : تعالي يا سيمو يا حبيبتي ...
سما : الله اكبر ... ماما يا حبيبتي انتي كويسة ... مكنت آخرة صبرك من شوية
فاطمة : أيوة يا حبيبتي دي حاجة حلوة ....
سما : والله ...
فاطمة : اسكتي بقى ... عيزاكي في خدمة
سما : قولي كداااااااا.....
فاطمة : كدااااا يا بنت الهبلة
سما : شكرا يا هبلة ... اقصد يا ماما ...
فاطمة : عايزين نخلي ادهم يقرب من ملك
سما : حلاوتك يا فطوم ...
فاطمة : بيئة اوي ...
سما : شكرا يا ذوق ... بصي بقى لازم تسمعي كلامي اللي هقوله بالحرف الواحد ....
فاطمة : ربنا يستر .....
________________________
في شقة ادهم ...
" لأول مرة ارجع من الشغل وافضل واقف فترة قدام الباب مستنيها تفتحلي كالعادة بس هى اتاخرت اوي ... طلعت المفتاح وفتحت باب الشقة ...."
ادهم : ايه داااااااااا
ملك بخوف وصوت ضعيف : مين
ادهم :ملك انتي فين ... النور قاطع انا مش شايف حاجة
ملك : ادهم ... ارجوك الحقني ....
" فتحت كشاف الفون ... فضلت ادور عليها لحد ملقتها قاعدة في جنب وحضنة نفسها اوي ... والدموع على خدها .... جريت عليها وقعدت جنبها"
ادهم : ملك مالك ... انتي خايفة كدا ليه
ملك : ا... ادهم ... ا...النور ...عل...علشان خاطري ايد النور... انا ... انا بخاف من الظلمة اوي ....
" كانت ماسكة فيا جامد ... اكتشفت أن عندها فوبيا من الظلمة .... وكانت بتقول كلام كتير مش مفهوم ...."
ملك : خليها تقيد النور وانا مش هعمل كدا تاني ... والله مش هعمل كدا تاني ... قولها قيدي النور ملك بتخاف ... ملك بتخاف ...
ادهم : اشششششش .... اهدي يا حبيبتي ... انا هنا ...
ملك : ملك خايفة ... ملك خايفة .... مش هعمل كدا تاني ... مش هعمل كدا تاني ... قولها ملك مش هتعمل كدا تاني .... خليها تقيد النورررررررررر
ادهم :ملكككك........
«بقلمي.ساره سالم» ♡