حوار مع الكاتبة ابتسام صابر

 

كل شخص منا  له موهبه خاصه يتفوق على كل شئ بها 

_يسرنا جريدة موج الإخبارية بعمل حوار مع الكاتبة المبدعه_:- ماهيتاب محمد 

☆☆☆☆☆☆☆☆☆☆☆☆☆ 

الاسم :- ماهيتاب محمد

السن:- 16

المحافظه :- القاهرة 

لقبك :- ماهي

{منذ متي بدأتِ في مجال الكتابة} :-من 7 شهور

{ماهي إنجازاتكِ؟} :- عملت كتاب الكتروني وشاركت في 3 كتب ورقية وان شاء الله هينزلوا في شهر 1 السنة الجاية 2024 لما معرض الكتاب يفتح

{من الذى كان يمثل لكِ الدعم في طريقك} :-

طبعا ماما وبابا اكتر حد بيدعمني وثانيا صحابي بنشجع بعض وبنحب نشارك اي حاجة مع بعض

{هل ظهرت هذه الموهبه عندك منذ الصغر}:-

لا هو الصراحة من كام سنة بس حسيت اني عندي مواهبة اني اكتب واؤالف وحبيت الموضوع اوي 

{هل يوجد شيء لازلت تبحث عن تحقيقه} :-

طبعا انا مازالت في البداية ونفسي انشر كتب اكتر والناس تعرفني وتبقي عايزة تجيب كتبي

{كيف تعامل مع ضغوطات العمل }:-

هو مفيش ضغوطات او حاجة لاني لسه صغيرة مازالت بدرس وبلعب رياضة وقدامي مشوار طويل

{نبذة عنك }:-

انا ماهيتاب عندي 16 سنة انا طالبة في الثانوي وحلمي ادخل كلية صيدلة باذن الله وبحب اني اكتب وبحب رياضتي بلعب رياضة الكاراتيه ومازالت نفسي احقق انجازات كتير 

{ما هو آخر كتاب قراته }:-

رواية ملنار الجزيرة الملعونة 

{ما هو سبب اختيارك لهذا المجال بالتحديد}:-

 انا كنت الاول بحب اقرأ قصص زي كرتون كدا وبعد كدا شوفت كتاب بس بقي رواية كبيرة عجبني قراته وبعد كدا حبيت اني اجرب اكتب لقيت عندي موهبة اني اقدر اكتب

{هل تفكر في تقديم كتاب جديد الفتره القادمه}:- طبعا 3 كتب الفترة القادمة ان شاء الله هينزلوا في معرض الكتاب

{كيف تقيم ما وصلت اليه حتى الان }:-

انا طبعاً فخورة بالي وصلتله بس لسه انا في نص المشوار ولسه في حاجات محققتهاش

{ما هي المقاومات العمل الناجح بالنسبه لك}:-

ان حد يشجعك دي كفيلة انو الواحد يبقي عنده طاقة يعمل انجازات اكتر وكل لما اعمل انجاز وحد يشجعني عليه هبقي شغوفة اكتر واكتر

{كيف كشفتِ تلك الموهبه } :- 

انا لقيت واحدة صحبتي بدات وعملت كتاب الكتروني وانا كنت بحب اؤالف حاجات كدا واسبها علي موبيلي فا قلت اسؤال واجرب ولقيت نفسي عندي حتة اني يبقي عندي الفكرة بس اعرف اكتب عليها 

 {نبذة عن آخر عمل قمت به وهل حقق نجاح أم لا }:- اخر حاجة كانت قصص من الواقع كتاب الكتروني والحمدلله جاب عدد قرايات حلو لكنه مش هيبقي مشهور زي الكتب الورقي فا ان شاء الله انتظروا الكتب الورقية

{ماهي صفات الكاتب المثالي وما يجب أن تكون له من صفات} :- ان يكون عنده دماغ صافية ويكون عنده الفكرة ويقدر يكتب عليها ويوصل للناس الكلام من قلبه

{هل واجهتكِ صعوبات في المجال وكيف تخطيتها؟} :- لا الصراحة مقبلتنيش اي صعوبات خالص والحمدلله معايا كاتبة كلهم داعمين ليا وهما ديما اللي بيحولوا يزوقوني لطريق النجاح

{كيف نميتىِ موهبتك }:-

طبعا اي كاتب عايز ينمي موهبته لازم يقرأ كتب ويتقن في اللغة العربية علي قد ما يقدر 

{من أكثر الشخصيات قدوة لكِ في مجال الكتابة }:- طبعا نجيب محفوظ

وثانيا دول اكتر حد دعمني فا هما قدوتي 

الكاتب/عبد الرحمن غريب

الكاتبة/ نهار احمد 

{أين ترى نفسك بعد خمس سنوات}:-

في مكان احسن وهكون ان شاء الله كتبي اتشهرت وحققت اللي نفسي فيه

{ماهو أفضل الاساليب لديكِ فى الكتابة}:-

بفضل اني اكتب باللغة العربية علي قد ما اقدر مش بحب يكون في كتابتي اسلوب من اللغة العامية عشان القارئ وهو بيقرا يتعمق في القراية 

{هل  لديكِ اى مواهب اخرى؟ }:-

 اه بعرف ارسم بس بطلت الحوار دا دلوقتي شغفي قل فيه والرياضة بلعب كاراتيه 

{من هو مثلكِ الاعلى }:-

{الكاتبه من المواهب الفطريه هل تظن ان من الممكن ان تكون موهبه مكتسبه؟ }:- طبعا لما الواحد يشوف حد يعرفه او في اسرته طلع كاتب ومحقق انجازات هيبقي عنده الموهبة والشغف يكتب ويكتسب هذه المهارة

{لتكون كاتب محترف يجب ان تكون قارئ جيد}[ هل تظن ان هذة المقوله صحيحه أم لا]

:-طبعا لو انت مش بتعرف تقرأ مش هتعرف تكتسب مهارة الكتابة لازم تتعلم من الاكثر خبرة منك لكن بردو في ناس بتبقي عندها الموهبة من غير قرأءة كتير

{ارينى شيء من كتاباتك}:-

"أحياناً لا يتوجب عليك سماع أعذارهم، لأن أفعالهم قالت كل الحقيقة ،عندما انطفئ الضوء رأيت الحقيقه والحقيقة كلمة فقط يقولها الكاذبون لتغطية فاعلة قد تحصل بالمستقبل"

{كلمنا عن خططكِ المستقبلية وما تريد تحقيقه} :- انا عندي عمتا خطط كتير اولا اخش الكلية اللي نفسي فيها واستقر وابقي كاتبة مشهورة وفي رياضتي ابقي بطلة اكيد وحكم

{كلمة تريدِ توجيهها للجيل القادم نحو الكتابة}:-

انت او انتي لو عندكم الموهبة متترددتش انك تبقي كاتب يمكن تبقي كاتب معروف 

{كلمه تريدِ قولها لنختتم بها الحوار وما رايكِ فى الجريده؟} :- طبعا شكرا جدا للحوار الجميل دا وشكر خاص للصحفية امنية اسامه اللي عملت معايا الحوار اللطيف دا 

__________________________

رئيس التحرير:- محمد يعقوب

المحررة الصحفية:- أمنية اسامه شلبى "كاتبه الظلام"

☆☆☆☆☆☆☆☆☆☆☆☆☆

تعديل المقال