صحيت من النوم كعادتي مفيش شيء جديد كل يوم علي نفس الحال كأني اليوم بيتكرر بس مفيش شيء بيهون عليا غيرو
-صباح الخير يا عمري
اي ده صحيتي أمتي، صباح النور ي أسيل ؟
- اه لسه صاحيه مش عجبك ولا اي
-تمام حلو أصلا كنت عاوز اتكلم معاكِ فـِ موضوع
-وكمان قولي اي أسيل دِ من أمتي ونت بتقولي ي أسيل يعني ؟
- يست عادي مش هو اسمك ولا اي يعني .
- تمام ي حاتم براحتك عاوزني فـ ِاي !
-بصي يا أسيل بصراحة كده انا بقالي فتره بجاهد نفسي لليوم دَ انا عاوز أبعد عنك و دَ اخر كلام ما بينا ومن غير ليه وسلام .
_ نعم دَ ليه أن شاء الله؟
لا استني كده اي اللي سلام
مقلب من المقالب بتاعتك صح ؟
قولي مبتردش ليه !
ي حاتم رد عليا بالله
متخوفنيش قلبي بدأ يوجعني ؟
ي حاتم انا عارفه انك بتهزر صح خلاص ي عم الفرفوش عدي عشر دقايق تع بقا
بعد المرور ال7ساعات ونا علي أمل أنو يرد و التوتر م سايبني عمل سين ومفيش رد
خلاص ارن عليه
-الحقيني ي ساره برن عليه مفيش رد حتي باين عملي بلوك
طب ليه كده قوليلي عملت لي أي؟
دنا حبيتو حتي عمري م زعلتو ولا كسرت لي كلمه قالها ليا
نتِ متخيلة دَ كان كل حاجه فحياتي ماليش غيرو دنا عايشه عشانه ي ساره
-ساره: اهدي ي أسيل في أي يست خلاص غار في داهيه هو مفيش راجل غيرو على وش الأرض يعني ولا اي
ومن امتي ونتِ كده فين أسيل اللي مهما يحصل ولا يهزها ريح ؟
-تعي و اعرفك عل واد جامد كده ولا تزعلي
_ أسيل : انا غلطانه اني بكلمك أصلا سلام
ساره: يبت رايحه فين ونا غلطت فـِ اي مش هو اللي خزوقك
عملت سين ومردتش ونا مش حاسه بحاجة ولا فبالي حاجه غيرو ازاي حصل كده دنا لسه كنت صاحيه و الابتسامة علي وشي مجرد ما اني افتكرتوا
مكنتش أتمني يجي اليوم ده بجد !
اللي هيجنني انو مقالش السبب ليه
اه علي وجع قلبي
عدي أسبوع وهو مش معايا ولا أعرف حاجة عنو حاولت اكلمه بكل الطرق مش عارفه أوصل لي وحاسه بفقدان شديد لي .
بس حاولت أقف من أول وجديد وذكرت حالي عليا بالنهوض وسمعت كلام ساره علي أساس مفيش غيرو يعني هو اللي خسران فـِ داهيه .
مفيش شهر ونا بدأت أقنع حالي أني نسيت وخلاص الحياة بتعدي مش بتقف علي حد
فلااااش
حاتموويي فينك يولا وحشاني موووت كل ده بتكلم صحبك ميكنش ضرتي ونا معرفش ؟
_حاتم : لا يقلبوو ومش قولتلك بطلي كلمه حاتموويي دِ
_الاه ونت مالك ياض بدلع قر عيني مدلعوش لأني ولا اي ؟
_لا لا براحتك شويه وترفعي عليا مطوه انا على اخر زمن حتت طفله تقولي ياض
_اه ياض وكمان بحبك يقلب الطفلة
_اكتر ي عيوني
_ اوعدني مش نبعد خالص ي حاتم ولا تسبني فيوم من أيام انا بحبك اووي بجد وربنا يجعلك جوزي .
_ وعد يا حبيبتي مقدرش اسيبك أصلا دنتِ روحي .
باااك
اول مره قلبي يبق فيه كميه الوجع والخنقه دي ومبقاش طايقه حد اول مره احس اني مهزومه اوي كده انا
دمعه حارة تنزل من عيناي عند تذكرت عزيزي .
يوم ورا يوم مش حاسه بحاجه و فاضل أسبوع علي امتحاناتي ومعرفش حاجه في المنهج وحلم ابويا كليه طب ي أسماء اعمل أي تعبت مفيش حاجة واحده تفرحني كأني كل حاجه ضدتي
اسماء: أنتِ غلطانه الصراحة انا يما قولتلك حرام الارتباط وترجعي لربك وتوبي ونتِ مبتسمعيش الكلام اتقِ الله ارجع اقولها ليكِ لمره المليون بالله لولا حبي ليكِ ما قسيتي عليكِ فيوم افهمي ي أسيل كل نفس ذائقه الموت و دِ معصيه الله هيجي يوم وتموتي ترضي تشوفي ربنا ونتِ كده وكمان يست الصبر علي غصت القلب وياريت تجاهدي لترك المعصيه ، { فَصَبْرٌ جَمِيل }
الصبر الجميل هو الصبر الذي يأتي مُلازمًا للسعي والالتزام ، ويتخلَّلُه الرضا والارتياح ، ويُزيِّنُه التسليم والقبول ، ويملؤُه الأمل بالتفاؤل وحسن الظن ونَبذ التشاؤُم والقُنوط . الصبر الجميل هو الصبر الذي يكون بالله ؛ { واصْبِر وَمَا صَبْرُكَ إلَّا بِالله }
وانصحك ب استماع لدكتور حازم شومان (طبيق طريق إلي الجنة ) و الصلاة عمود الدين ارجعي بس للربنا و صدقيني ولا هيشغلك حاجه
_ قرات كلامها ومردتش الصراحة اللي هو اي ده أنا في أي وهي في أي كل لما اكلمها تفتح ليا محاضرات دينيه ولا اكني قناه المجد وراغي عل الفاضي قعدت ما بين الفيس للواتس زهقت من الفون فقولت م أقوم اكتب شويه مانا اصلي بحب الكتابه بس كنت بعيده عنها للفتره لأني كل وقتي كان لـِ حاتم
_مسكت النوت تبعي ورجعت للكتابه حاجه تنسيني شويه بسلي وقتي لحد النوم
لا أعلم لماذا تركتني ورحلت
لا أعلم لماذا فعلتُ لكه حتي تتركني !
لا أعلم شئ حقاً
داخلي كسرً كبيراً لم أجد علاجاً له ، أخبرتني يوماً ما انك لا تتركني أخبرتني أن كل شيء سيكون كما أحب
عهادتني لكنك خلفت الوعد
من جهلي قلتُ لك حبيبي ، صديقي ، نبضي ، لا أعلم أينما كان عقلي وقتها كان عقيمًا ؛ كان قلبي في الأمس يوم بعد يوم يتمزق إربًا ، أتت الأيام ومازالت بعيدًا ،هل تشتاق لي؟ كيف حالك ؟ أريد أن أراك واخبرك لماذا تركت صغيرتك ؟ هل حقاً استحق ذالك !
لن أجد من يرويني حتي ذبلت لماذا جعلتني زهرة جميلة ثم رحلت من يرويني بعدك؟
حتي الآن احتفظ برسائلك لي وتلك الوعود التي لم تفي بها .
امي : نامي ي أسيل عندك درس الصبح
أسيل : حاضر ي ماما
حطيت النوت فـ الدرج وطفيت النور و نمت بس قبل م أنام افتكرت كلام أسماء وقولت اخسر اي لو صليت ركعتين يعني هي برضو معاها حق انا حتي مركعتهاش من سنين قومت اتوضيت وصليت ودعيت ربنا انو يشيلو من تفكيري و يهديني عاوزه اكون زي أسماء ماشاء الله مُنتبقه ومُتدينه ونا الصراحة فيه سننه غيره من ناحيتها اللي هو قريبه من ربنا ونا لا خلصت حسيت بالراحه وروحت في النوم محستش بنفسي .
_ انتي يبت يلا قومي هتتاخري مفيش منك نافعه خالص انا تعبت خلاص منك
_ اي هو الصباح اللي زي زفت ده قايمه خلاص مش لازم الأسطوانة علي الصبح و قومت ولبست ونزلت حتي من غير م اقول سلام بس ونا بلبس الكوتش سمعت صوت امي وهي بتدعي ربنا يهديني ويصلح حالي ، زعلت علي اللي عملتو معاها واللي هو انا ليه كده وحشه دِ حتي الأم تحت أقدمها الجنه زي م بيقولوا لازم اغير أسلوبي بقا وحياتي مش أسلوبي بس .
_ رجعت البيت دخلت اوضتي لأني مفيش حد فالبيت امي شكلها عند خالتي و اخويا باين لسه فِـ الشغل اليوم كان مُتعب اووي فصلت وملكتش حاجه من الصبح
قومت ادور علي حاجه لقيت مكرونه بشاميل فـ افتكرت حاتم هو بيحبها اووي وكان نفسه ياكلها من أيدي سبتها قولت م طفحها و نديت من البلكونة علي عم أحمد يجبلي كيس اندومي ونا قاعده باكل فكرت فكلام ساره
فلااااش
اي عمري فينك كده مش باينه يعني من وقت م اتكلمتي معايا
أسيل:معلش كنت مشغوله عامله اي
ساره:الحمدلله يست ابقي اسألي وكنت عازه اقولك أحمد بيحبك من زمان ونتِ عارفه مش ناويه بقا تتكلمي معاه وتريحي الواد يستي
أسيل: لا و قولت ليكِ اكتر من مره فكك من الحوار دَ وكمان انا توبت مش أكلم حد وحرام أصلا
ساره :ههه ضحكتيني ال اي توبتي ؟ مين لعب بس فعقلك اكيد ست الشيخه أسماء يلا بباي ي بيبي لو عوزتي حاجه رني ولو فكرتي فـ الموضوع الواد علي نار
بااااك
انتييييي ي زفتتههههه بقالي ساااعهه بكلمك
_ ها اي ف اي مخدتش بالي جيتي أمتي
_ امي : من بدري يختي وحضرتك ولا هنا
_ معلش ي امي ادخل أنام انا بق
_ دخلت الاوضه حاسه ب الممل و مش عارفه هنام فقولت ما أنزل طبيق طريق إلي الجنه دَ أسمعه نزلتوا وقعدت سمعت أول محاضره وبجد حسيت براحه و حبيت الشيخ أصلا وبقا عاده عندي كل يوم قبل النوم أسمعه عدي شهر وخلصت كل المحاضرات وبفضل الله بقيت ملتزمه علي الصلاة و قريبه من ربنا و بقيت بعامل امي حلو و لبست الخمار وقربت من أسماء وبقينا اكتر من اخوات اللي هو اتعلقت بيها اووي و بقيت طوال الاجازه بسمع لـ محاضرات وينزل لحفظ القرآن مع أسماء
النهارده يا بنات هنتكلم عن الارتباط بما أنكم حابيبن تعرفوا ليه حرام ؟
بصوا يـ جميلات
سمعت بودكاست لـ دكتور ياسر الحزيمي كان بيقول :
في مقولة عظيمة جدًا : " كل قصة بدايتها لا تُرضي الله ؛ نهايتها لن تُرضيك ".
انا عايز أصدق على كلامه ، وعن تجربة وواقع أنا تعايشت معاه، فعلًا أي قصة بدايتها تغضب الله نهايتها بيكون وقعها قاسي وصعب على نفسك.
في البداية ، الشيطان بيزينلك الأمر، وبتحس إن كل حاجة جميلة وكل المؤشرات بتتجه ناحية سعادتك، وفجأة تنتهي النهاية بصورة مش متوقعة وصادمة بالنسبالك، وأنا أظن إنه كان يقصد مواضيع الارتباط الغير شرعية.
عشان كدة ربنا قال : " وَلَكِنْ لا تُوَاعِدُوهُنَّ سِرًّا إِلَّاأَنْ تَقُولُوا قَوْلًا مَعْرُوفًا "
" وَلَيْسَ الْبِرُّ بِأَن تَأْتُوا الْبُيُوتَ مِن ظُهُورِهَا وَلَٰكِنَّ الْبِرَّ مَنِ اتَّقَىٰ ۗ وَأْتُوا الْبُيُوتَ مِنْ أَبْوَابِهَا ۚ "
اكيد كلكم نهايه الموضوع كانت مؤلمه جدًا ليكم صح ولا م صح ؟
س/ ليه الارتباط قبل الزواج حرام ؟
ج/ لأن الشرع قال كده!
وليه الشرع حرمه؟
لأن الارتباط قبل الزواج ارتباط هش، قايم بس على العاطفة القلبية المؤقتة اللي هي بتبقى شوية إعجاب قوي جدا بالجنس الآخر!
لأن الارتباط أعظم مشاكله أن أم آدم اتأخرت برة شوية ومقالتش لحضرتك، أو أبو آدم عمل إعجاب على صورة واحدة مغنية أو واحدة زميلته!
كذا إن مفيش وعود حقيقية ورباط وثيق يحكم جدية الطرفين في الموضوع!
فَبالتالي لما تيجي الواحدة تتصدم بكلمة؛
" أبويا مش موافق أتقدم دلوقتي!"
أومال يا ابني شغلتني ليه بيك، طب وأهلي اللي جايبين ليا عريس! طب وكذا وكذا!
وبالتالي، إنت بتستهلك مشاعر قلبية مش في محلها بتاتا، ومش مضمونة بالمرة، لأن الشخص اللي أنت (بتحبه) ظاهريا ده ممكن جدا ميكونش شخصك المُختار!
الارتباط حجته واهية ومش واقف على أي أرض، طاير في الهواء شوية هواء يجيبوه يمين وشمال، وده اللي بيعجب المرتبطين، الحرية دون قيود!
إنما الحب الحقيقي الرصين هو اللي بييجي بخبطة باب وقعدة مع الحاج ونتكلم في أمورنا الحقيقية اللي تغاضينا عنها وقت الارتباط لأننا مش عاوزين نعكر صفو حياتنا، عاوزين بس نبقى مبسوطين!
فَنيجي وقت الجد نلاقي كمية شخصيات تانية طلعت، وحوارات مش بتخلص!
الارتباط أذى أكتر منه منفعة، وهَلْك أكتر منه بناء.
فَخليكوا في اللي حدده لنا الشرع، لأن ربنا مش هيحط حاجة تأذينا أبدا.
و في كلمه بحب دايما ادعي ربنا بيها اللهم لا تعلق قلبي بغيرك ، لا تعلق قلبك بغير حب الله فكل من هو من خلق الله سيموت ويفنى فلا يدوم أهل ولا أحباب ولا أصدقاء ولا أحد يبقى لأحد إلا الله ولن يفيدك سوى الله ولن ينجيك من العذاب سوى الله في يوم لاينفع مال ولابنون فاجعل حبك كله لخالقك تكن من الفائزين بجنات النعيم وحينها ستعلم أن حب الله وطاعته هي النجاة وهناك أول ليلة في قبرك لم يشفع لك لاأهل ولااحباب ولاأصحاب ولامال ولاجاه إلا عملك الذي به تلقى ربك اللهم أحسن خاتمتنا وكرهنا بالدنيا وحببنا بالأخرة حتى نلقاك
فانية !
"لا الدُنيا لنا، وما كُنا للدُنيا
كُلنا لله وإنَّا إليه لراجعُون."
بس كده أنا خلصت ونستني حلالنا يـ بناااات
روحت انا و اسماء ونا بفكر فكلام المعلمه وبجد حسيت اني كنت علي معصيه كبير و جعلت الله اهون الناظرين إليه و ازاي كنت هبله كده و في النهاية مش اخدت غير الوجع و كسرت القلب
_اسماء : ي ااااااسيييييلللل روحتي فيننن يبنتي اييييي سنه لحد م تردي سرحاااانه ف ايييي الله يعمر بيتك خلتي ناس تتفرج علينا
_أسيل : ههه اسفهه خلاص ي بكاشهه يلا نروح أصل هموت و أكل عصافير بطني بتصوصو
اسماء: هههه دايما همك علي بطنك يلا يست
_ روحت ونا جايبه هدايه لأمي و شكولاته هي بتحبها بنيه جبر الخواطر و بر الوالدين
_ فرحت اووي بيها و شوفت في عيونها الفرحه فرحت اووي حاجه بسيطة عملتها خلتها تنبسط و تدعيلي و ترضي عني ، عقوق الوالدين
برو امهاتكم وابائكم قبل فوات الأوان
والله الذي لا إله الا هو لن تجد احن عليك بعد الله عز وجل من امك ولن يعرف قدر الام الا الرب العالمين فبرو امهاتكم قبل فوات الأوان
واسألو من فقدو امهاتهم تحت التراب
والله يتمنو رجوع الام ولا لحظه يملي عينيه ويقبل قدميها
.ان عقوق الوالدين هو أكبر ذنب بعد الشرك بالله؛ ﻷن الاحساس بالمرارة ومقدار الحزن والشعور بالخذلان الذي يشعر به الوالدين نتيجة عقوق الابناء بالرغم من عدم حاجتهم اليهم: هو شعور لا يعلم مدا قساوته إلا الله وحده عز وجل. ولذلك فإن الله عز وجل جعل عقوبته عقوق الوالدين كبيرة جداً.
.عقوق الوالدين هو كل فعل أو قول يتأذى به الوالدان من ولدهما، ويتمثل ذلك في الهجران وعلوّ الصوت فوق صوتهم، وعصيانهما وضربهما، وعدة أشكال أخرى من أنواع الإيذاء. وان عكس ذلك ههو بر الوالدين.
.وعقوق الوالدين يمثل في صور عديدة منها: إبكاء الوالدين وإحزانهما بالقول والفعل، ونهرهما وزجرهما، ورفع الصوت عليهما، والتأفف من معظم تصرفاتهم حتى لو كانت بسيطة جدا ولا تذكر. ومن اشكال وصور عقوق الوالدين ايضا: العبوس وتقطيب الجبين أمامهما، والنظر إليهما نظرة إزدراء، والطلب منهما بما لا يستطيعان تلبيته من مطالب تعجيزية، وعدم الإصغاء لحديثهما، وشتمهما، وإنكار فضلهما، وعدم الرغبة بالجلوس معهما ولو للحظات، والمكوث طويلاً خارج المنزل رغم حاجة الوالدين إليهم، وعدم إستئذانهم بالخروج من المنزل. وقد يتمني البعض موتهما للتخلص من عبىء رعايتهم في حالة إصابتهم بمرض عضال لا قدر الله، أو إيداعهما في دور العجزة، والبخل عليهما حتى في ابسط حاجاتهم، كثرة الشكوى، وانتقاد كل ما يقوم به والديهم حتى الطعام الذي يعد من اجلهم.
ان عقوق الوالدين هي من مُوجِبات غضب جبّار السماوات والأرض. فإياك ثم اياك من عقوق الوالدين...وان كل الذنوب يؤخر الله منها ما شاء إلى يوم القيامة إِلَّا عقوق الوالدين فإنّ الله تعالى يعجله لصاحبه قبل الممات.فاحذر أن تضع نفسك في هذا الموضع.
وقد أوصى الإسلام بالبر بالوالدين ونهى عن عقوقهما نهياً كلياً. والملسم الصادق السويّ يجب عليه أن يحسن إلى والديه امتثالاً لأوامر الله تعالى الذي شدّد على وجوبِ البِرّ ونهى عن العقوق حيث قال تعالى في محكم تنزيله: "وقضى ربك ألا تعبدوا إلا إياه وبالوالدين إحسانا ۚ إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولا كريما".صدق الله العظيم،البار بوالديه لا يموت ميتة السوء، ويرزقه الله من حيث لا يحتسب.اللهم اجعلنا من البارين بوالدينا
_ اصحييي ي ااااااسيييييلللل نجحتيي
_صحيت علي صوت اخويا
اللي هو في أي مش فاهمه
_ محمد : نجحتيييي بقوللل
_ بجد بجد بتكلم ؟
لولولي ماماااااا ي مااااامااا
و قومت جري ادور علي ماما
لاقتها جايه و بتعيط دموع الفرحه بقا يعمري الف مبروك لـِ أحلي دكتوره فخوره بيكِ
عدي اليوم فـِ فرحه العيله وكنت مبسوطه اوي بكرم ربنا ليا معني مكنتش فاكره اني انجح علي أقل كنت اشيل مادتين لكن كرم ربنا ،
"و إنَّ لِي عندَ اللّٰهِ سُؤالاً ، ألحُّ عليهِ بهِ حتَّى لَكأنَّ رُوحِي تتَصعَّدُ في السَّماء تنظُرُ ماَ فاعلٌ رَبُّها بسُؤالها . .
و إنَّ لِي منَ اليَقينِ فِي اللّٰه مَا يَحبسُني بينَ أمرين ( سيستجيبُ اللّٰه أم أنَّه سيستجِيب )
ولاَ أقولُ للِأمرينِ ثالثُ ثلاَثَة ، بلْ يَقينًا سَيُؤتينِي ما أردتُ كَما أرَدت."
حسن الظن بالله يصنع المعجزات الحمد لله دائما وابدا
_ بعد المرور 7سنوات و النهارده حفله تخرجي وفي عريس متقدم و امي بتزن عليا اشوفو معني طوال السنين اللي فاتت دِ برفض و بتحجج بـ الكليه ولما اخلص اقولها اي بقا أمري الله وافقت أشوفه كان يوم مُتعب اووي فـ اخدت شاور و دخلت نمت .
_يابنتي يلا قومي جهزي نفسك العريس زمانو جاي انتييييي يبتتتت قومممييي
_ها حاضر ي ماما قايمه اهوو هي الساعههه كامم
_ العصر هياذن يختي قومييي اخلصي و رني علي اخوكي شوفيه فين
_ انا نمت كل ده مصلتش مصحتنيش ليه للظهر ي ماما مش قولتلك مليون مره متسبنيش انام طول ما عليا صلاه !
_ ما اخوكي فضل يصحي فيكي مقومتيش ويلا اخلصي الحقي قبل العصر .
_________________
الحمدلله لحقت وصليت الظهر والعصر كمان وقولت اذكار المساء .
عدي وقت كتير ولسه محدش جه قولت ما أسلي نفسي بـ اي حاجه فـ قعدت أكتب شويه مسكت النوت
"كُنت أتمنىٰ تأتيٰ اليوم كُنت انتظرك كُنت أتمنىٰ أن أكون لكه ليس لغيرك كُنت اتمنيٰ تؤفيٰ بوعدك لي ، جاء يوم خطبتي عليٰ شخصاً غيرك ، لقد ارهقنيٰ عقلي من كَثرةِ التفكير بك! كُنت مخادع تحت مُسميٰ الحُب اصبحتُ الخاسرة! الآن ضرورة ترك القلب و العقل هو من يقرر ،الخيبة كلها تجمعت في هذا الاقتباس ف الواقع أن تظُن بأنك جزء من اللوحة بينما أنت خارج الإطار " . لكن لا بأس أنه خيراً لي اكتفيتُ الآن بحبِ لربي جعلتني أقوي بكثير وكان هذا تمن ذنبي ابتلاءً و فِ النهاية تظن أنك حُرمت والحقيقه انك رُحمت"
___________________
ياااااااا محمممممممد نت ي زفت أفتح الباب للناس
محمد : حاضر يا ماما
قومي ي ااااااسيييييلللل ظبطي حالك كده .
_ قومت وكنت لبسه خمار زهري عليٰ ادناه بنفس اللون بس أغمق شويه و محبتش احط أي حاجة فـِ وشي عشان الزينه وكدن وهو أجنبي عني وكمان دنا قمرر الاه هو هيلاقي زي فين بس يخلاثي عليا .
_ ههه دَ منظر واحده هتتجوز يخربيت منظرك فـِ واحده دكتوره عاقله تكلم حالها قدام المرايا كده .
_ بس ياض احترم حالك أنا أختك الصغيرة برضو .
_ محمد : طب يلا ياختي بدل ما منبع الحنان تيجي تولع فينا .
__________________
خرجت واخدت صينيه الشربات وقدمت الشربات ليهم كل دَ ونا هموت من التوتر أعصابي مش علي بعضها ولسه مشوفتش العريس سمعت أنو مُتدين وكده بس معرفش فين .
__________________
محمد يااااض ي محمممد قرب كده هو فين العريس دَ ميكنش اتجوز أبو ولا اي ههه دَ قمر مفيش مشاكل
محمد : ها بدأنا احنا لسه مشفنهوش حتي بدأتي تسالي فين وراح فين وجاي منين
أسيل: انا غلطانه دنت عيل غتت أسكت بقا عشان بيبصوا علينا .
___________________
مفيش شويه سمعنا صوت حد اسف ي جماعة بعتذر بجد علي التأخير بس كانت مكالمه من المستشفي ضرورية.
محمد : ي هلا ي هلا العريس و مراته دكاتره بقا
حاتم : أيوه شوفت بقا
حازم : اقعد بقا ي حاتم شوف عروستك نسبكم مع بعض شويه
حاتم : تمام ي بابا خرجوا و سابونا لوحدنا بس محمد كان قاعد قريب من الباب عشان مينفعش وكده .
___________________
أنا كل ده حاسه بوجع فـِ قلبي مجرد ما سمعت الإسم اللي هو معقول يكون حاتم ولا تشابه أسماء .
حاتم : ي انسههههههه اسيللللللل
أسيل : ها نعم فـِ اي
حاتم بقالي ساعه بنادي ونتِ ولا هنا واي هتقضيها كده عاجبك الساجد ولا ايي لو عجبك قوليلي
أسيل: سجاد اي بس
حاتم :أصل بقالك ساعه عينك ف الأرض من وقت ما جيت
أسيل : اعرفك بيا انا أسيل عمران من الإسكندرية 23سنه خريجه كليه طب عاوزه زوج صالح وبس معنديش اي كلام تاني خلصت نت بقا .
حاتم : ها هاا علي مهلك بس قولي حاجه جديده منا عارف كل دَ ارفعي بس وشك ونا بتكلم معاكي
^^^^^^^^^^^^^^^^^^^^^^^
قولت فِـ عقلي بالي دَ نرجسي ولا اي هي ناقصه مالي انا و الجواز لما نشوف اخرتها اي
حاتم : خلصتي كلام فـِ دماغك ولا لسه؟
أسيل: نعم لاااا لاا مش مصدقه نفسي دَ هو نفس الملامح هو هو دَ بيعمل اي هنا بس بعد اي بعد ايي قولي بعد م كسرتني جاي تتقدم ؟
أمشي اطلع بره مش موافقه
حاتم : استني بس افهمك اسمعيني بس !
أسيل : اسمع اي ولا اي بس عاوز مني قولت مش موافقه ي استاذ حاتم .
حاتم : ممكن بس تسمعي وبعدين احكمي عليا براحتك .
كان عليك أن تشعر بكلماتك قبل أن تُقال ، أن تدرك أفعالك قبل أن تفعلها ، كان عليك أن تدرك قبل أن تصنع وجعآ لا ينسيه حتى إعتذار .
فلااااش.
أحمد: ها يا حاتم مش ناوي تسمع الكلام بقا وتحافظ عليها وعلي حُبك وتبعد ولا اي ، لو عاوزها و بحلالك توبب وأبعد اطلبها من ربك هي مش بأيدك ولا بأيد حد قلبها ما بين أصابع الرحمن حافظ عليها و اطلبها من ربنا ي غالي ،
محمد : بس انا والله بحبها و حتي بقيت اصلي و أدعي ربنا تكون من نصيبي ونيتي مفيهاش اي حاجه من كلام اليومين دول انا نفسي تكون مراتي بجد نت متعرفش بحبها ازاي .
أحمد: ده مش مبرر برضو ي محمد الصداقة بين الولد والبنت أو المرأة والرجل
إيه المشكلة لما ولد سصاحب بنت أو العكس طول ما الكلام بحدود والنية سليمة مهو بحبها وهي بتحبني و الدنيا فل الفل يعني !
عندنا قاعدة بتقول :
"النية الصالحة لا تصلح العمل الفاسد"
يعنى حتى لو نيتى صالحة ف ده مايبررش إنى أعمل حاجة ربنا نهى عنها، وربنا نهى عن إن البنت تصاحب الولد لما قال فى سورة النساء عن النساء: ( ولا متخذات اخدان ) خدن يعني صاحب وصديق راجل وبيست فريند رااجل وبوي فريند راجل.
ونهى الولاد على إنهم يصاحبوا بنات لما قال فى سورة المائدة : ( ولا متخذى اخدان ) خدن هنا للولاد يعني صاحبة وصديقة بنت وبيست فريند ست وجيرل فريند بنت.
ربنا هو اعلم بينا من نفسنا ( ربكم أعلم بكم )
فيعلم إن البنت هتميل للولد ، والولد هيميل للبنت
دي الفطرة اللى اتفطرنا عليها فعشان كده حطلنا قوانين تخلينا نبعد 180 درجة عن الحرام
وبعدين إزاى بنت تحكى لولد على أدق تفاصيل حياتها
أو العكس ولد يفضفض لبنت على أدق تفاصيل حياته
وعاوزها متتأثرش؟ معندكش معلومات عن إن البنات بتتأثر بأبسط كلمة!
هقولك فى مقولة قالها العلماء:
"من استشرف الفتنة ، استشرفته"
يعنى اللى يروح للفتنة وهو فاتح صدره ليها فالفتنة تقوله :
حياك الله أهلا وسهلا نورتنا
إنت عملت زى اللى حط بنزين ونار
ومعتقد إنهم مش هيولعوا!
مش هتقف قدام ربنا وتقولوا انا بحبها ولا هي مالهاش ذنب وتحميها من النار يعني !"
ده غير إن ده أصلا "جهر بالمعصية" واستهوان بستر الله
وربنا قال: ( لا يحب الله الجهر بالسوء من القول)
والرسول "صلى الله عليه وسلم" قال
" ﻛﻞُّ ﺃُﻣَّﺘﻲ ﻣﻌﺎﻓًﻰ ﺇﻻ ﺍﻟﻤﺠﺎﻫﺮﻳﻦ "
وكون إنك عارف ومستمرة في الذنب كدا مصيبة
والحرام جاى على هواك، واتعودت على المعصية وبقت شيء عادى ومعتاد بالنسبالك.
و الرسول قال إن مفيش أضر على الرجال من النساء، فإزاى نقعد الفاتن جمب المفتون ونقول مفيش مشكلة؟
وكمان ياصحبي اتقِ الله ودِ نصيحه مني عاوز البنت و فحلالك تكون حافظ عليها وأبعد من دلوقتي و اطلبها من رب العباد والحرام مبيكملش ولو كمل مبيقاش سعيد اتذكر أي بدايه لا ترضي الله لن ترضيك فـِ الآخر .
باااااااااااااكككك .
________
حاتم : بس دَ اللي حصل ونا لولا بحبك و عاوزك مكنتش عملت كده وكمان بفضل الله حفظت القرآن وبقيت أمام مسجد ،واخوكي كمان عارف كل حاجه كنت بطمن عليكِ دايما وحضرت حفله تخرجك بالله كان صعب عليا اكتر منك بس كنت بصبر نفسي بـِ اليوم دَ وعندي حسن الظن بالله انو هيجي ، وكان فـِ عريس ليكِ تفشتو انا و محمد مهو ال12ركعه كل ليله بدعي بيها تكوني ليا و اهو حصل وأسف ها اي قررتي اي نعمل الكتب الكتاب بقا منا مش استني خطوبه كمان مش كفاية 8سنين و 25يوم وساعه و 10ثواني ولا اي ي دكتوره ؟
أسيل: حاسه حالي فـِ حلم مش عارفه أرد أقول اي ولا أعمل اي بس دَ بجد لا لا يمكن بتخيل اقرصني كده !
حاتم : ها بتقولي حاجه ؟
أسيل: لا لا كنت بتقول اي !
حاتم : تتجوزيني ؟
أسيل يلا بينا ي قر عيونيي زغرطيي ي أم محمممممممد أتجوز ونتِ لا ههه
محمد : بكاشه يبت طول عمرك ____________
دعكّ من ماضي أنا هُنا لأجلك
وَيُعجِبني منكَ حَسن القَوان وَلين الكلام وَفرط الأدب كل ليلة تُحبيني فيها أكثر مما مضى أحيا من جديد كأنني الآن ولدِتُ بحبك ايضًا ظللت تُـنير عالمـي كُـنت دوائي سأغفل وأنسـى ما مضـىٰ و الآن جاء فرحي واسمي عليٰ اسمـك أشعر بالراحه و الأمان بقربك ارتمي بحضنك خوفًا من العالم و تنتهي لي كـل أوجـاعي أدعو ربي أن تظـلوا بجـواري طوال عـمرك .
_________________
خديجة:بابا بتحبني أنا اكتر ولا ماما اكيد أنا لأني اميرتك صح ؟
حاتم : ايوه سر ما بينا احبك أنتِ اكتر
أسيل: سامعك خلي بالك ومفيش أكل النهارده بقا خليها تعملك هي !
حاتم : الاه مش كده دنتِ القلب بتغيري من بنتك هههه ؟
سبنا احنا من الجو دَ وخليكم معايا عيب بقا البيوت ليها أسرارها يقولون الزواج مشاكل..
نعم صحيح الزواج مشاكل إذا
لم نتبع وصية الرسول عليه الصلاة
والسلام في اختيار الزوج الصالح
والزوجة الصالحة، اصحاب
الخلق والدين، فالصالحون هم
من يكون همهم الجنة فقط
يبتعدون عن جميع المعاصي في
الدنيا ويتقربون بالطاعات
لا تغرهم الحياة وملاذها
هم الذين يزهدون الدنيا، فهؤلاء
من يخافون الله حقاً ويتبعون
شرعة وأحكامه، يخافون عقاب الله
فتجدهم يعدلوا ولا يظلمون
في الحياة.. اختي المسلمة
قبل موافقتك على الخطيب
الذي تقدم لكي فينبغي
السؤال عنه جيدا من قبل أولياء
أمورك، فلا تختاري زوجاً يعصي
الله ويسمع الغناء، فهذا زوج
تحرك مشاعرة وتسير
حياته كلمات أغاني
ولا شارب للدخان يضر نفسه
والله عز وجل، يقول:
{وَلَا تُلْقُوا بِأَيْدِيكُمْ إِلَى التَّهْلُكَةِ}
ولا قاطع للرحم ولا مغتاب،
المهم أن لا تقبلي بشخص
يعصي الله أو يقبل
بالمعاصي، فمن لم يخاف
الله واستهان بعضمه
الله، فماذا تنتظرين منه؟
يكون لكي عونا في الطاعه والعبادة!
والله لن يسعدك إلا من خاف الله حقا
فهذة نصيحة أتمنى الأقتداء بها
وكما قال عمر بن الخطاب
رضي الله عنه وأرضاه:
*"لا خير في قوم ليسوا بناصحين
ولا خير في قوم لا يحبون النصح" ومننساش كلمتنا أي بدايه لا ترضي الله نهايتها لن ترضيكم حتي لو حصل جواز العلاقة لن تكون ناجحة و اتقوا الله في أنفسكم و اسالوا الله الزوج و الزوجه صالحه و رزقكن الله وإياكم اجمعين اه ونسيت اقولكم حاتم لبس أسيل النقاب بقا وكده الراجل غيور ههه تمت والسلام .
للكاتبه:نـور سيـد "غيـ⊁ـث"