ملاك الادهم
الفصل الأول 1
مصطفى: هتتجوزها يا ادهم يعني هتتجوزها
ادهم: مستحيل يا بابا .... انا سافرت برة اتعلم وجيت احقق ذاتي .... تقولي اتجوز بنت اختك ....
مصطفى : صفاء قبل متموت وصتني على بنتها لما كانت لسه حتة لحمة حمرا .... كان نفسي تيجي تعيش معانا بس ابوها رفض ..... واتجوز ... وبنت اختي دلوقتي كبرت وهى عايشة مع ست تانية ياعالم بتعاملها ازاي .... هتتجوز ملك يعني هتتجوزها ....
ادهم : والله مش ذنبي انا أن اختك وصتك على بنتها .... وعلى ما أتذكر أن اختك دي اللي مسمعتش كلامك وهربت واتجوزت ولما ماتت جوزها اتجوز غيرها ..... مش دنبي اشيل غلطات ناس تانية .....حتى لو كانت اختك
مصطفى : انت قليل الادب .....
ادهم: يابابا ....
مصطفى : بلا بابا بلا زفت انت الظاهر بلاد برة نساتك الأصول .... اخر كلام عندي يا اما تتجوز ملك يا اما لا انت ابني ولا انا اعرفك
ادهم : دا اخر كلام يا بابا. طيب عن اذنك ....
فاطمة : ادهم ي ادهم استنى
ادهم: لو سمحتي يا ماما ... عايز افضل لوحد
فاطمة : والله يا ابني ابوك عايز مصلحتك
ادهم: واضح جدا
فاطمه: ادهم ي ادهم
مصطفى : سبيه يا فاطمة
فاطمة : ليه كدا يا مصطفى
مصطفى : ابنك لازم يتجوز ملك ....بنت اختي لازم تعيش معانا .... كفايا مرات ابوها بتعمله فيها وانا مش عارف اعمل حاجة ....وكفايا اني اتحرمت من اختى ....
فاطمة: طب أهدى ... إن شاء الله خير ... انا اتمني أن ملك تكون مرات ابني ... بس دا ابني الوحيد يا مصطفى ارجوك متغصبش عليه
مصطفى: انا قولت اللي عندي وهو اللي يقرر....
~~~~~~~~~~~~~~~~~~~~
"مشيت ومش عارف اروح فين .... اكتر حاجة بكرها أن حد يجبرني على حاجة .... بس المرة دي الإجبار على جوازي .... ازاي اتجوز بنت معرفهاش ... هي بنت عمتي بس شوفتها مرة واحدة بس ...يوم وفاة عمتي ... محتاج اتكلم مع حد ... روحت البحر ... كان افضل مكان ليا قبل مسافر واسيب اسكندرية .... "
بنت قاعدة على البحر : انا ليه بيحصل فيا كدا .... ليه كل حاجة مجبرة عليها ..... عشت طول حياتي في خوف ... معنديش أصحاب ... وبرغم كل دا يجبروني على الجواز ...
ادهم من غير ميشوفها : اسوا حاجة في الدنيا هي الإجبار ... مابالك بقى يكون على الجواز ... يعني اعيش مع واحدة معرفهاش ....
البنت : وانا اعيش مع واحد معرفهوش ... هو على الاكيد هيضحي كتير ... لان اي حد هيدخل حياتي لازم يضحي انا عارفة .... مستحيل حد يوافق بيا .... انا فيا عيوب كتير .... كتير اوي .....
ادهم: الظاهر كدا مش انا لوحدي اللي في الدوامة دي ... بس مش عارف القرار ... اسمع كلام بابا واضحي بحياتي
ولا اعمل ايه .... انا اول مرة اكون محتار كدا ....
البنت : لازم تختار القرار الصحيح ... انت عندك فرصة الاختيار أما أنا فقدها من طفولتي .... لازم تختار الصح اللي يضمنك أن كل اللي بتحبهم يكونوا جنبك لأن أسوأ حاجة في الحياة انك تخسر اللي بيحبوك .... عن اذنك
" لقيت نفسي واقف لوحدي وكأنها كانت طيف بتكلم معاه ... معرفتش شكلها ولا اسمها بس نصيحتها كانت مهمة اوي .... لازم اختار القرار اللي يضمن وجود اللي بحبهم جنبي وهما اهلي .... ممكن لو كنت مكان بابا كنت أجبرت ابني على كدا .... "
ادهم : بابا ... انا موافق
مصطفى بفرحة : بجد يا ادهم
ادهم : بجد يا بابا ....
مصطفى : يا حبيبي ربنا يخليك ليا يارب. .... الفرح هيكون في اسرع وقت .... انا مجهز كل حاجة .... وهتعيش معانا في البيت بس في شقتك الخاصة انا جبتلها اشهر المهندسين وخلصت ...
ادهم : اللي حضرتك تشوفه ...
__________________
في غرفة ادهم
فاطمة : ممكن ادخل
ادهم : ممكن يا ماما اتفضلي
فاطمة : عرفت انك وافقت
ادهم : حضرتك شايفة أن في حل تاني
فاطمة : بص يا حبيبي انت ابني وانا مقدرش تجبرك على حاجة ... ممكن بابا يكون عمل كدا علشان هو كان اب صفية أخته مش مجرد اخ .... احساسه بالمسؤولية يحكم عليه كدا .... وبعدين دلوقتي لو سما احتاجتك في حاجة مش هتعملها ....
ادهم : سما اختي وبنتي يا ماما اضحي بعمري علشانها
فاطمة : اهو بابا عمل كدا .... وبعدين ملك دي طيبة جدا ... صدقني هتحبها ....
ادهم : مش مهم احبها ...
فاطمة لنفسها : لازم تحبها ....
سما : احم احم
ادهم : تعالي يا شقية
سما: كدا يا بشمهندس يا عريس انت .... احلى عريس دا ولا ايه ....
ادهم : اه عريس ...
سما : بقولك ايه يا حاجة ... الحج مصطفى بيسال عليكي ...
فاطمة : ماشي يا آخرة صبري ...
سما : تشكري يا حاجة .... وادي ماما مشيت يا عم احكيلي ....
ادهم : هو يوم حكاوي ... يومي نامي يا بت
سما : تصدق انا غلطانة يا ابو الصحاب ..
ادهم : ابو الصحاب اه ... برررررررة
سما : طيب متذوقش .... بس انت عارف يا ادهم انت محظوظ صدقني ....
ادهم: محظوظ بجوازتي من واحدة معرفهاش ...
سما : لما تعرفها هتغير رايك ... سلام ....
" سما مشيت بس ليه الكل بيقول كدا ... ليه بيحبوها كدا .... ياترى انتي مين "
________________________
في بيت حسن والد ملك
حسن : مصطفى طالب ايد ملك لابنه
سعاد : اه يا اخويا وماله ....
حسن : طب هما جايين انهاردة بليل انا نازل شوية
سعاد : ماشي ......
سعاد : انتي يا مخفيه ...
ملك : نعم يا ماما سعاد ...
سعاد : ابن خالك طالب ايدك يلا يكش تغوري من هنا
ملك : ط....طيب
سعاد : تأتأي كدا جتك البلا
" هى دي مرات بابا دايما بتعاملني كدا ... وانا مش بعرف اقولها حاجة علشان هى مش بتحبني وكانت بتضربني وانا صغيرة ... انا كنت عارفة أن ادهم جاي لأن سما قالتلي .... سما دايما بتسال عني .... وساعات بنتكلم ... انا بحبها بس بخاف اتكلم معاها واحكيلها حاجة ومرات بابا تسمع "
___________________
بليل في بيت حسن
حسن : منور يا مصطفى
مصطفى : شكرا ... طبعا انت عارف احنا جايين ليه
سعاد : طبعا طبعا .... وموافقين كمان
حسن بهمس : اسكتي ياسعاد، سعاد لنفسها : خليها تغور من وشي ... اي نعم هخسر خدامة لقطة بس خليها تغور من وشي بدل متقوم الراجل عليا انا كنت بخوفها وهي صغيرة بس دلوقتي البت كبرت وممكن تعمل اي حاجة .... خصوصا اني مخلفتش ومفيش عيل يقف جنبي ..."
مصطفى : خلاص اتفقنا الفرح يوم الخميس الجاي ...
حسن : على خيرة الله .... العرسان ممكن يقعدوا مع بعض شويه ...
مصطفى : تمام ....
سما : اروح معاهم
فاطمة : اقعدي يا آخرة صبري .... وبعدين هحتاجك كتير الفترة الجاية ...
سما بهمس : حلاوتك يا فطوم
فاطمة : افضحينا ....
سما : خلاص ... هووووووووس
__________________
عندملك وادهم
ادهم لنفسه : مش عارف اقول ايه .... وهى ساكته ... بس ملامحها هادية ... في عينيها حزن كبير وكسرة ... بس انا طبعا متجوزها بالاجبار ....
ملك لنفسها : انا اول مرة اتحط في الموقف دا وخايفة ...
أيوة خايفة منه أو لا انا مطمنة .... ممكن يكون وحش ... بس عينيه بتقول غير كدا .... يارب مليش غيرك ... انا عارفة أن حياتي مش مهمة اصلا .... فمش فارقة ....
" عدا الوقت واحنا ساكتين لحد ما سما جت "
سما : ايه الجمال دا يا ملوكه
ملك : تسلملي يا سما
سما : لا انا من انهاردة سيمو
ملك : تمام يا سيمو
" صوتها مش غريب عليا ... انا سمعت الصوت دا قبل كدا بس فين ...."
سما : ايه يابوادهم ساكت ليه
ادهم : مش ساكت يا سيمو مانا بتكلم اهو
سما : يا راجل
ادهم : سما يا حبيبتي ممكن تسكتي
" صوته مش غريب ... انا سمعت صوته قبل كدا ... أيوة متأكدة .... بس في امان في صوته .... في دفا ..."
فاطمة : ازيك يا ملك يا حبيبتي
ملك : الحمد لله يا طنط كويسة
فاطمة : طنط ايه انا ماما
ملك : يعني مش هتتضايقي مني
فاطمة : لا يا حبيبتي انتي زي سما بالضبط ....
ملك : ش ... شكرا
ادهم لنفسه : غريبه البنت دي .... بتخاف اوي ... باين عليها جبانة ... اللعبة احلوت يا واد يا ادهم.... "
_____________________
مرت الايام بسرعة وجه يوم الفرح ....
كانت بتسلم على الناس بجبن وخوف .... مش عارف ايه البت دي ... كنت عايز المسرحية دي تنتهي باسرع وقت
والحمد لله انتهت ..... وطلعنا على الشقة بتاعتنا
ادهم : ادخلي هتفضلي واقفة
ملك: ح ... حاضر
ادهم: بصي انتي عارفة اصل الجوازة دي ... اياكي ثم اياكي تقربي من حياتي ... اي حاجة تخصني ملكيش دعوة بيها ... عايز احس اني عايش لوحدي ماشي ... انطقي سامعة
ملك بدموع : ح ... حاضر ... ا... انا هعمل كل حاجة انت عايزها .... بس بالله عليك متضربنيش ....
" هي قالت الكلمة دي واتضايقت من نفسي اوي .... ليه عملت كدا .... بس هى اللي جبانة اوي ...حد قال إني هضربها "
ملك : ممكن ادخل انام
ادهم : الغرفة دي بتاعتك اياكي تيجي جنب الغرفة بتاعتي
ملك : لا مش هاجي جنبها .... عن اذنك
ادهم : اتفضلي ....
" غريبة والله غريبة .... دخلت غرفتي وغيرت لبسي ولسه هنام لقيت دقات على الباب ....."
ادهم : هو انا قولت ايه
" لقتها واقفة قدامي لبسه لبس بيتي وشعرها لأول مرة اشوف شعرها دايما بتبقى لابسة الخمار في المرتين اللي شوفتها فيها .... بس شعرها اسود حريري شبه اميرات ديزني وعيونها عسليه .... وملامحها هادئة جدا ... طفلة واقفة ادامي ... بس كان ظاهر على دراعها علامات اثر ضرب ... "
ملك بخوف : انا اسفة والله بس ممكن ادخل المطبخ علشان اشرب ....
ادهم بصدمة : المطبخ ... انتي بتستأذني علشان تدخلي المطبخ ...
ملك : انت قولت مش اقرب من حاجة بدون اذنك
ادهم بضحك : ااه بس ماعدا المطبخ والحمام ....
ملك : ايه .... بجد
اادهم: هو انتي هبلة
ملك : لا والله
ادهم : هههههههه مش معقول
ملك لنفسها : الله ضحكته حلوة ... بس ليه بيتعصب عليا وانا بخاف .... يارب يفضل هادي
ادهم : يلااااااا امشي عايز أنام
ملك: حاضر حاضر ....
" طلعت تجري ... والله شكلها هتبقى مسرحية حلوة اوي "
تاني يوم ....
صحيت من النوم وصليت وطلعت احضر فطار علشان جعانة اوي ..... حضرت واكلت .....
ادهم : ياربي ..... الواحد جعان اوي .... انتي بتعملي ايه
نهارك اسود .....
يتبع
♡بقلمي. سِآرهّ سِآلَمً
